“E COVID-19 eribya isibukiri bulhwere obukalire kutsibu omwa kihugho kyosi, sikirimanyisaya kithi abandu sibanga thasyabulhwalha.. . . Thunalindire ekindi kihunzo eryasa—kandi kikendi syasa—thutholere ithwayitheghekerakyo.”—Dr. Tedros Adhanom Ghebreyesus, omwimaniri we World Health Organization, Okwakathano 22, 2023.

 Abandu bangyi bane mwaghalhwa kinyamubiri n’omwa bwongo busana n’ebyabirilhwiririra omwa kihunzo ky’ekorona [COVID-19]. Mbwino esyogavumente n’ebithongole ebikatsomana amaghalha binemwendibya ibinayitheghekera ndeke ekindi kihunzo ekyanga buthuka, n’erithuwathikya okwa bitsibu by’amaghalha ebyo thuwithe munabwire?

 E Biblia yikakanaya okwa gavumente eyikendi thuha obuwathikya obo thukayithagha bikahika okwa by’amaghalha. Yikabugha yithi “Nyamuhanga w’elhubulha asyahangania obwami,” kutse egavumente. (Danieli 2:44) Omwisi sy’egavumente eyo, “sihali ndulhani eyikendi syabugha yithi, nyilhwere.” (Isaya 33:24) Obuli mundu akendisyabya n’amaghalha awuwene n’amaaka w’obunyethu.—Yobu 33:25.