Ekihugho kikalholha embere eritsandibwa kutsibu omwa syonyuhi esikaleka ihabya obulhumi bunene n’eriaghalhwa lingyi. Thalengekania okwa syoripoti hino:

•   “Omo mwaka owahwere, abandu banene mubaholire omwa lhuhi, kutsibu-tsibu omwa Ethiopia ne Ukraine, kwilhaba abamathaholha omwa mwaka wosi-wosi eritsuka 1994.”—Peace Research Institute Oslo, Okwomukagha 7, 2023.

•   “Olhuhi lhwe Ukraine mulhwabere lhughuma lhw’okwa malhwa aw’ayongera kutsibu omwa 2022. Erithwalira haghuma, omo mwaka owahwere, akatabanguko omwa by’ekipolitiki muk’ongere erihika pasenti 27 omwa kihugho kyosi, n’abandu nga bbiliyoni 1.7 mubahambirweko nabi busana n’ebikalhwiririramo.”—The Armed Conflict Location & Event Data Project (ACLED), Okwakabiri 8, 2023.

 E Biblia yikaha maha. Yikabugha yithi “Nyamuhanga w’elhubulha asyahangania Obwami obuthendisyaheribwa na kera.” (Danieli 2:44) Ahisi sy’Obwami, kutse egavumente eyo, Nyamuhanga ‘asyakubya amalhwa omo kihugho kyosi.’—Esyonyimbo 46:9.