Murundi mughuma obuli mwaka, Abema ba Yehova n’esyomiliyoni sy’abandu abo bakakokaya erithimba omwa kihugho kyosi bakahindana eryibuka olhuholho lhwa Yesu, ngoku analhaghira. (Luka 22:19) Omukonga oyu akathuwathikaya erisima omughaso w’ekya Yesu akolha akahayo engebe yiwe busana n’abandu. Kandi akakanganaya ekihongo kiwe nga kyanga thughasira kithi—lino n’omwa buthuku obukasa.—Yoane 3:16.

 Mbulha wukendi syahindana okw’Ibuka omwaka ono kutse eyihi, wanga ghasirwa wuthi omwa lhuholho lhwa Yesu? Yesu mwakangirirya athi thutholere ithwakolha ebindu bikulhu bibiri bino:

1.  1. Igha oku Nyamuhanga na Yesu. Akasaba Thatha wiwe w’elhubulha, Yesu mwabugha athi: “Neryo eyi ni ngebe y’erikotha, abandu bakuminye, iwe Nyamuhanga mughuma w’ekwenene, n’eriminya Yesu Kristo, oyo wathuma.”—Yoane 17:3.

2.  2. Ghendera okwa ebya wuk’igha. Yesu mwakangania ndeke-ndeke athi thutholere ithwaghendera okw’ikangirirya liwe omwa ngebe yethu. Ng’eky’erileberyako, mwaghunzerera erikangirirya liwe ery’okwa kithwe omw’isima owosi-wosi ‘oyukowa ebinywe [biwe] n’erikolhabyo.’ (Luka 6:46-48) Kuthya, n’okwa bundi buthuku, mwabugha athi: ‘Mwamaminya emyatsi eyi, muli n’obutseme mwamakolhayo.’—Yoane 13:17.

 Wunanzire erigha bingyi oku Nyamuhanga na Yesu? Wunanzire erihabulha eryuwene eryanga kuwathikya erighendera okwa bya wuk’igha? Hano hane esyonzira esyo wanga baniramu omwatsi owanga kuwathikya.

 Endegheka yethu ey’eryeghesibwa e Biblia omw’ikanirania ahathe erithuha yabiriwathikya abandu bangyi eriyithendya ndeke okwa Biblia n’erighendera okwa ebya yikabugha omwa syongebe syabu.

•   Ghenda okwa peji okuli Guided Bible Study Course erigha bingyi ebihambire okwa ndegheka eyi

•   Lebaya evidiyo Wamathangirirwa okw’Igha Lyawu lye Biblia erilhangira erigha e Biblia n’Abema ba Yehova nga likabya lithi.

 Abema ba Yehova bakahindana kabiri obuli yenga omwa myanya yabu ey’abakaramirayamo eyasibwe mwa Kingdom Hall. Okwa mihindano eyi, thukakanaya okwa Biblia kandi ngoku thwanga ghendera okwa syongangirirya syayo omwa ngebe yethu.

 Obuli mundu wosi akakokibawa erihindana; sibugha indi wutholere iwabya Mwema erihindana. Erikwamana n’emibere ey’ewenyu, iwangana thwamu erihindana busu okwa busu kutse okwa nganirania ey’evidiyo.

•   Lebaye evidiyo Okwa Kingdom Hall Kukakolhawaki? eriminya nga bikabya bithi okwa mihindano eyi.

•   Minya omwanya ow’erihindaniramu owali hakuhi nawu omw’ighenda okwa peji Congregation Meetings of Jehovah’s Witnesses.

 Emyatsi mingyi n’esyovidiyo ebiri okwa muthahulha oyu byangana kuwathikya erigha bingyi ebihambire okwa syongangirirya sya Yesu n’omughaso w’olhuholho lhwiwe.

 Ng’eky’erileberyako, eriminya nga kyanga thokekana kithi olhuholho lhw’omundu mughuma erighasira esyomiliyoni sy’abandu, soma omwatsi “Yesu Akalhamaya—Athi?” na “Busana Naki Yesu Mwaghalhwa n’Eriholha?” kutse lebaye evidiyo Busana Naki Yesu Mwaholha?