Sean Gladwell/Moment via Getty Images
MUBYE IMUNATHEGHIRYE!
Esyosente Esilhabire Okwa Syodola Triliyoni 2 Musyakolesibirwe Omwa by’Amahe Erithimba Omwa Kihugho Kyosi—E Biblia Yikabugha Yithiki?
Omughanzo w’esyosente esithe syathakolesibwa omwa by’amahe erithimba omwa kihugho kyosi ow’esyotriliyoni 2.24 sy’esyodola (U.S.) mwakolesibirwe omwa 2022, kutsibu-tsibu busana n’olhuhi lhwe Russia ne Ukraine. Erikwamana n’eripoti ey’ekithongole ekya Stockholm International Peace Research Institute (SIPRI) eya 2022 eyahulhukibawa omwa Kwakani 2023:
Esyosente esyakolesibawa omwa by’amahe omwa Yuropu “musyakanyire erihika oku pasenti 13 omo mwaka oyo, esyo syabya sente nene kutsibu esyo egavumente ye Yuropu yamathakolesya omwa mwaka erilhua aho olhuhi olhwa 1991 lhukathahwera.”
“Emikoleserye y’esyosente omwa Russia muyayongere erihika pasenti nga 9.2, ekyaleka iyalhua okw’ibya eyakathano iyabya eyakasathu omw’ibya abakakolesaya esyosente nene omwa kihugho.”
E United States muyasighere inina y’erimbere omw’ikolesya esyosente nene omwa by’amahe, kundi “muyakolesirye pasenti 39 ey’okwa syosente esyakolesibawa omwa by’amahe omwa kihugho kyosi.”
“Esyosente esikakolesibawa omwa by’amahe eribya imusikanabya isinemuyongera omo myaka ya lino-lino kikakanganaya ngoku thuli omwa kihugho ekithemo obuholho,” Dr. Nan Tian, oyukakolha n’omwinye kithongole kye SIPRI athya.
E Biblia muyalhaghulha ngoku munabwire hangabere eriyongera ly’amalhwa ahakathi-kathi k’amathabali w’amaaka w’ekihugho kyosi kandi yikabisulha amaha maghuma masa aw’obuholho.
Eriyongera ly’esyonyuhi mulyalhaghulhwa
E Biblia yikahulha obuthuku obwa thulimo mwa “mughulhu w’enduli.”—Danieli 8:19.
Ekitabu kya Danieli mukyalhaghulha ngoku omwa buthuku obo, hangabere amathabali w’amaaka w’ekihugho awangabere omwa malingwatha. Amathabali w’amaaka aya angabere ‘omw’isukumana’ kutse erilhwira obukulhu. Amalhwa ayo angabere mw’erikolesya “ebindu” binene, kutse esyosente.—Danieli 11:40, NWT, 42, 43.
Eriminya bingyi okwa buminyereri bwe Biblia obu obukasisimulha, lebaya evidiyo Obuminyereri Obwabiribererera—Danieli Esura 11.
Ngoku obuholho bw’okwenene bukendisya banika
E Biblia yikabugha yithi Nyamuhanga akendisy’ihaho esyogavumente sy’abandu. “Asyahangania obwami obuthendi syaheribwa na kera, kutse erithabalha lyabo siryendi syasighirwa abandi bandu; nikwa bwasyathulhanga mo bihandi-bihandi n’eribugha amami wosi aya, nabo bwasyahangana kera na kera.”—Danieli 2:44.
Yehova a Nyamuhanga akisiya iniakolha ebyo abandu babirilemwa erikolha—erilethaho obuholho obw’okwenene kandi obwa kera na kera. Athi? Egavumente, Obwami bwiwe bw’elhubulha, yikendi ghunzaho ebindu byosi by’amalhwa n’erighunzaho amalhwa wosi.—Esyonyimbo 46:8, 9.
Eriminya bingyi oko ebya Obwami bwa Nyamuhanga bukendisyakolha, soma omwatsi “Ahisi sy’Obwami bwa Nyamuhanga Obuholho Bwasyabya Bunene.”
a Yehova ly’erina lya Nyamuhanga.—Esyonyimbo 83:18.