Kyakathano, Okwakabiri 24, 2023, omwaka akendibya iniamahwa olhuhi olhukalire lhwe Ukraine lhwalitsukire. Erikwamana n’esyoripoti ndebe, abasirikali nga 300,000 abe Ukraine ne Russia mubakwire kutse erihuthalibwa omwa lhuhi kandi kikanganibwe ngoku esyondulhani nga 30,000 mubakwire. Nomwabine, omughanzo anganabya ini munene okw’aho.

 Eky’obulighe, olhuhi olhu lhukabya nga silhuli lhwanaberwa erihwa.

•   “Hakuhi mwaka mughuma aho amahe we Russia akath’ingirira e Ukraine, sihali n’ekighuma ekikakanganaya ngoku olhuhi lhukisiya ilhwahwa. Hakabya nga sihali lhuhandi olhukendi syasinga olhuhi, kandi esyombandi syosi ibiri sikabya nga sisyanga lighirana okwa kyanga ghunzaho olhuhi.”—NPR (National Public Radio), Okwakabiri 19, 2023.

 Ahathe erithika-thika, bandu bangyi bakayowa nabi busana n’obulhumi n’eriaghalhwa ebyo eki n’ehindi hitabanguko binemulethera abandu abatheko lhubanza erithimba omwa kihugho kyosi. Ni maha wahi agho e Biblia yikaha? Esyonyuhi sinemwendi syahwaho?

 E Biblia yikakanaya okwa lhuhi olhukendi syalhamya abandu, butsira olhukendisya baghunzaho. Olhuhi olho lhwasibwe mwa Harmagedoni, kandi lhukakanibawako ‘ng’amalhwa w’ekiro kinene kya Nyamuhanga Omuthoki w’Ebyosi.’ (Eribisulirwa 16:14, 16) Erilhabira omwa lhuhi olho, Nyamuhanga akendisya ghunzaho amathabali w’abandu, awabirileka ihabya esyonyuhi nyingyi esikatsandalikanaya. Eriminya ngoku e Harmagedoni yikendisya lhwiririramo obuholho obwa kera na kera, soma emyatsi eno:

•   “Olhuhi Lhwe Harmagedoni Niki?”

•   “E Harmagedoni Ni Ngulhu Yuwene!”