Yesu anasi eriaghalhwa erikasa busana n’obubi n’obuthe bulingirirania. Mwahangirirwa, amaswiribwa omwa nzira eyikathwa ebilhaghiro, amathondesibwa omwa buthe bulingirirania, amahirwa kw’omusango owathakolha, kandi mwalhaba n’omwa bulhumi bunene ak’ithibwa. Nomwakine indi syabyako lhubanza, ahathe erikakwa mwahayo “engebe yiwe mw’obughuli busana n’abandu bangyi.” (Matayo 20:28; Yoane 15:13) Lino, iyo ng’Omwami w’Obwami bwa Nyamuhanga, akisiya inialetha omwa kihugho kyosi mw’obulingirirania, erighunziraho ighuma obubi.—Isaya 42:3.

 E Biblia yikakanganaya ekihugho nga kikendisyabya kithi Yesu akayira eky’erikolha:

•   “Ababi basyabulirana, egha, wasyasondya omwanya wabu, isibendisyabyaho. Nikwa abakayikehaya basyikalha ndeke omo kihugho, basyayitsemera omo buholho bunene.”—Esyonyimbo 37:10, 11.

 Thwanga kangania thuthi ku thukasima ebyosi ebya Yesu abirithukolera n’eby’akisiya iniathukolera? Ngoku kiri omu Luka 22:19, Yesu mwabwira abigha biwe athi ibabya bak’ibuka olhuholho lhwiwe. Ky’ekikaleka obuli mwaka, Ky’ekikaleka obuli mwaka, okwa kiro ky’Eryibuka olhuholho lhwiwe, Abema ba Yehova bakahindana haghuma. Thukakukokaya erithuyiyungako okw’Ibuka olhuholho lhwa Yesu Kyasande biro 24, Okwakasathu 2024.

Minya Ahali Eryibuka