Yesu iniane okwa kihugho, mwakangania abandu b’olhwanzo lhunene, nibya n’erihika okwa kiika ky’erihayo engebe yiwe busana nabu. (Matayo 20:28; Yoane 15:13) kandi, omwa buthuku obuthe bwa haali, akendi kangania abandu b’olhwanzo omw’ikolesya obuthoki bwiwe ng’Omwami w’Obwami bwa Nyamuhanga “erikubya amalhwa omwa kihugho kyosi.”—Esyonyimbo 46:9.

 Lebaya ebyo e Biblia yikabugha okwa ebya Yesu akendi kolha:

•   “Asyalhamya abera abakamulhakira, n’abali n’obwagha, n’abakasighanibawa. Akaghanyira abera, n’abandu bolho-bolho; akalhamaya esyongebe sy’abandu abali n’obwagha. Akalhamayabo okw’inubya n’obwagha; esyongebe syabu ni sy’obughuli bunene busana nayu.”—Esyonyimbo 72:12-14.

 Thwanga kangania thuthi ku thukasima ebya Yesu abirithukolere n’ebya akisiya iniathukolera? Omu Luka 22:19, Yesu mwabwira abigha athi ibabya bak’ibuka olhuholho lhwiwe. Ky’ekikaleka obuli mwaka, okw’ibuka olhuholho lhwiwe, Abema ba Yehova bakahindana. Thukakukokaya erisyabya haghuma nethu okw’Ibuka olhuholho lhwa Yesu, Kyasande, Okwakasathu 24, 2024.

Minya Ahali Eryibuka