OMUGHASO W’ERIKOLHA EKI: Abigha be Biblia bamatsuka erithegheka kikabolhobera eriyitheghererya n’eryibuka ebya thukabakangiriraya. Bakabya bak’ongera eriyitheghererya n’eryibuka ebya bak’igha, kikabanguhira erikulha-kulhana. Nibya bakabya babiribatizibwa, kikabya ikikina bayithaghisaya erithegheka emihindano n’omubiiri w’erithulira nuku bangabya ‘ibanatheghirye.’ (Mt 25:13) Busana n’ekyo, eriminya ngoku banga yeghesya n’eribya n’endegheka eyuwene ey’eriyeghesya kikendi baghasira omwa ngebe yabu yosi. Thukanatsuka erigha nabu, thutholere ithwabawathikya eribya n’omubere w’erithegheka ebya mukend’igha.

NGOKU KYANGA KOLHWA:

• Ibya ky’erileberyako ekyuwene. (Abar 2:21) Yitheghekere obuli igha iwunahirire omwigha wawu y’omwa malengekania. (km 11/15 enu. 3) Mukanganaye ekitabu kyawu ekitheghekire

• Muhire mw’omuhwa w’erithegheka. Akendibya abiribya mw’igha ndeke, leka aminye ngoku erithegheka ni kighuma ky’okwa ndegheka yiwe y’erigha e Biblia, kandi musoborere emighaso y’erithegheka. Muhe amenge ngoku anga bana obuthuku obw’erithegheka. Abandi bathuliri bakana hereraya omw’igha y’ekitabu kyabu ekitheghekire bak’igha eriwathikya omw’igha erilhangira omughaso w’erithegheka. Musime amathegheka

• Mukanganaye ngoku anga thegheka. Okw’inatsuka, abandi bathuliri bangana kolesya obuthuku bw’erigha obwosi erikangania abigha babu ngoku banga theghekira erigha