Ebrokyuwa Ni Bahi Abakakolha Erisonda lya Yehova Munabwire? yatheghekawa erikania kuyo n’abigha be Biblia okw’itsuka kutse okw’ighunzerera ery’obuli igha.* Erisomo 1 erihika 4 akawathikaya abigha eriminya ngoku thuli, erisomo 5 erihika 14 akabawathikaya eriminya ebya thukakolha, n’erisomo 15 erihika 28 akabakanganaya ekithunga kyethu ngoku kikakolha. Erithwalira haghuma, amasomo atholere iniakanibwako ngoku anathondire, aliwe iwangana ghenda okw’isomo lyosi-lyosi erikwamana n’ekiyithawa ekiriho. Obuli isomo liri okwa lhupapura lhughuma kandi abigha bangyi ibangana lyighira omwa dakika ithanu erihika okw’ikumi.

• Mukanganaye ekibulyo eky’omuthwe w’erisomo

• Mulisome haghuma, mwangana lisomera murundi mughuma kutse imwalisoma mwa bitsweka-bitsweka

• Mukanaye okwa mwatsi owa mukalhua okw’isoma. Kolesaya ebibulyo ebiri okwa muhindo w’olhupapura n’ebisasani. Kyamathokekana, soma n’erikania okwa masako awakanganibwe. Kanganaya ngoku emithwe mike-mike eyiri omwa binywe yikasubiraya ekibulyo ky’omuthwe w’erisomo

• Mwamabya imune akasanduko “Thasyaminya Bingyi”, nako mukasome n’erihira omwa mwigha mw’omuhwa w’erighendera okwa menge awalimu