Okwakani 29–Okwakathano 5
ESYONYIMBO 34-35
Olhwimbo 10 n’Omusabe | Eby’Eritsuka Nabyo (Dak. 1)
1. ‘Pipa Yehova Emighulhu Yosi’
(Dak. 10)
Dawudi mwapipa Yehova nibya n’omughulhu abya akabana ebitsibu (Esy 34:1; w07-E 3/1 22 enu. 11)
Dawudi mwayihalhambira omu Yehova butsira omw’iyo iyuwene-wene (Esy 34:2-4; w07-E 3/1 22 enu. 13)
Ebinywe bya Dawudi eby’eripipa mubya ghumya banywani biwe (Esy 34:5; w07-E 3/1 23 enu. 15)
Dawudi abere abirilhamibwa oku Abimeleki, abalhume 400 ababya bakanubibwa na Saulo mubamuyiyungako omwa mbwarara. (1Sam 22:1, 2) Dawudi angabya iniabya inian’ibukire abandu ng’aba akahandika olhwimbo olhu.—Esy 34, ehinywe ehiri ahighulhu okwa sura.
YIBULHAYE, ‘Nanga pipa indi Yehova ingakania n’omundu mulebe okwa mihindano eyikakwamako?’
2. Erisekulya Ndeke Amasako
(Dak. 10)
-
Esy 35:19—Dawudi amanyisayaki akasaba Yehova athi isyalighira abakamukwa obusu ‘bakamukoherya eriso lyo nabi’? (w06-E 5/15 20 enu. 2)
-
Ni byahi ebya wulyabana omwa busomi bwe Biblia obw’eyenga eno wukasekulya ndeke amasako ebyo wanganza erikaniako?
3. Erisoma e Biblia
(Dak. 4) Esy 34:1-22 (th erisomo 5)
4. Eritsukisya Omukania
(Dak. 2) ERITHULIRA KITSUMBUKIRANIA. Mukaghunza erikania isiwuli waha obwema. (lmd erisomo 1 enzumwa 4)
5. Kwamirira
(Dak. 4) ERITHULIRA KITSUMBUKIRANIA. (lmd erisomo 2 enzumwa 4)
6. Erisoborera Ebya Wikirirye
(Dak. 5) Eky’erilhangirirako. lff erisomo 44 enzumwa 1-3—Omuthwe: Abema ba Yehova Bakaminya Bathi Ekiro Kikulhu Kirebe Nga Kinatholere? (th erisomo 17)
Olhwimbo 59
7. Esyonzira Isathu sy’Eripipiramo Yehova Okwa Mihindano
(Dak. 15) Erikanirania.
Emihindano y’ekithunga yikaha ehighisa ehyuwene ehy’eripipiramo Yehova. Hano hane esyonzira isathu.
Thukakanirania: Kanaya okwa bubuya bwa Yehova wukakania n’abandi. (Esy 145:1, 7) Mbwino muwanowire kutse erisoma enzumwa ndebe eyakuhimba? Mbwino muwanabwene ekyalholirweko ekyuwene omw’ithulira? Mbwino omundu mulebe mwanakuhimbire omwa eby’abugha kutse omwa by’akolha? Mbwino hane ekya wulyalhangira omwa bihangikwa ekiryakutsemesaya? Ebyosi ebi ni bihembo erilhua oku Yehova. (Yak 1:17) Hika okwa mihindano kwa lhuba wanabana endambi y’erikania n’abandi.
Thukasubirya: Lengaho erisubirya hakiri murundi mughuma okwa buli muhindano. (Esy 26:12) Iwanganaha eky’erisubirya ekikahikira okwa nzumwa kutse enzumwa y’eryongerako, erisako, ekisasani kutse ngoku thwanga kolesya omwatsi. Kundi abandi ibanganasumba ebyalha nawu wukasumba, thegheka eby’erisubirya bingyi. Abangyi ibakendi thoka ‘eriha eripipa ng’obuhere’ thwamasubirya omwa sekendi 30 kutse nyike okw’aho.—Ebr 13:15.
Esyonyimbo: Imba esyonyimbo sy’Obwami n’omuhwa. (Esy 147:1) Iwangana ghana erisombolhwa okwa buli muhindano, kutsibu-tsibu omwa kithunga ekirimo abandu bangyi, aliwe mughulhu wosi iwangana sangira omw’imba esyonyimbo. Nomuwangayowa nga siwasi er’imba, wukabya wukalengaho ngoku wangathoka, wukiminye ku kikatsemesaya Yehova. (2Kor 8:12) Wangana thegheka omw’iyibegheresya esyonyimbo iwun’eka.
Kanganaya EVIDIYO Ebya Birighenda Bikabya Omwa Kithunga Kyethu—Ekihembo ky’Esyonyimbo, Ekitsweka 1. Neryo bulhaya abahulikiriri:
Ekithunga kyethu kya munabwire imukyanamatsuka, muthw’akangania thuthi ngoku ni kikulhu er’imba esyonyimbo esikapipa Yehova?
8. Erigha lye Biblia ery’Ekithunga
(Dak. 30) ia esura 14 enu. 1-13
