Okwomunani 5-11

ESYONYIMBO 70-72

BUGHAYA

Okwomunani 5-11

Olhwimbo 59 n’Omusabe | Eby’Eritsuka Nabyo (Dak. 1)

EBY’OBUGHULI OMWA KINYWE KYA NYAMUHANGA

1. Bwira “Esyondengo Syosi Esikendisyasa” Okwa Maaka wa Nyamuhanga

(Dak. 10)

Dawudi mwayilhangirira obutheya bwa Yehova omwa bunyethu bwiwe (Esy 71:5; w22.01 6 enu. 15)

Dawudi mwalhangira ngoku Yehova anemumuwathikya omwa busyakulhu bwiwe (Esy 71:9; g04-E 10/8 23 enu. 3)

Dawudi mwahira omwa balere mw’omuhwa omw’ibabwira okwa eby’alhabiremo (Esy 71:17, 18; w14-E 1/15 23 enu. 4-5)

YIBULHAYE, ‘Ni mulikyethu wahi oyuwabirikolera Yehova habw’obuthuku buli oyo nanganza eribulya omw’iramya lyethu ly’eka?’

2. Erisekulya Ndeke Amasako

(Dak. 10)

Esy 72:8—Omulhaghe wa Yehova oku Abrahamu owali omwa Enzuko 15:18 mwabererera athi omwa buthabali bw’Omwami Solomona? (it-1-E 768)

Eky’erisubirya kyawu
Ni byahi ebya wulyabana omwa busomi bwe Biblia obw’eyenga eno wukasekulya ndeke amasako ebyo wanganza erikaniako?

Eky’erisubirya kyawu

3. Erisoma e Biblia

(Dak. 4) Esy 71:1-24 (th erisomo 5)

MINYA NDEKE ERIKOLHA OMUBIIRI W’ERITHULIRA

4. Eritsukisya Omukania

(Dak. 3) NYUMBA OKWA NYUMBA. Omundu amatsuka erikuba obuhaka, imanaya omukania omwa nzira eyitholere. (lmd erisomo 4 enzumwa 5)

5. Kwamirira

(Dak. 4) ERITHULIRA KITSUMBUKIRANIA. Lholha embere n’erikanirania eryo wathunga n’omuhughu oyo enyuma waho akabya nga syathanza eritsuka erigha e Biblia. (lmd erisomo 8 enzumwa 4)

6. Erisoborera Ebya Wikirirye

(Dak. 5) Omukania. Ijwfq-E 49—Omuthwe: Busana Naki Abema ba Yehova Babirihindulha Ebighuma by’Okwa bya Bikirirye? (th erisomo 17)

ENGEBE YETHU NG’ABAKRISTAYO

Olhwimbo 76

7. Amenge Busana n’Eriramya ly’Eka

(Dak. 15) Erikanirania.

Eriramya ly’eka ni buthuku bw’omughaso obo abaana bak’ighiramo ‘erikunga, n’erikangirirya lya Yehova.’ (Efe 6:4) Erigha likayithagha erihiraho akaghalha, aliwe likatsemesaya, kwilhabirirya omughulhu abaana bakanza kutsibu eriminya ekwenene ye Biblia. (Yn 6:27; 1Pet 2:2) Lhaba omwa biri omwa kasanduko “ Amenge Busana n’Eriramya ly’Eka,” awanga wathikya ababuthi eribya n’Eriramya ly’Eka ery’erigholho-gholho erikaghasa kandi erikatsemesaya, neryo mwanakania okwa bibulyo bino:

Ni menge wahi okw’aya agho wanganza erilengesya?

Eky’erisubirya kyawu
Wunasi ekindi ekyanga wathikya?

Eky’erisubirya kyawu

AMENGE BUSANA N’ERIRAMYA LY’EKA

E BIBLIA:

Hulikirira obusomi bwe Biblia oburikodingire obwa buli wiki, kutse musubungukane omw’ibusoma omwa mulenge ow’akowika. Obuli mundu omwa famile iniangana soma ebinywe eby’omundu mulebe oyukanibweko omwa Biblia
Thegheka ebibulyo ebihambire okwa busomi bwe Biblia obw’obuli wiki. Leka obuli mughuma omwa famile asombole ekibulyo kighuma n’erikisekulyako. Neryo banganakania okwa bya baly’igha
Bulhaya ekibulyo kutse kanaya okwa mibere mirebe, neryo sekulhaya okwa misingyi ye Biblia eyanga wathikya eyiri omwa Obusondoli obw’Erisekulya Omwa Bitabu eby’Abema ba Yehova
Mukole ngoku byabya omwa mwatsi mulebe we Biblia
Obuli yenga thegheka ekadi eyiriko omulhondo we Biblia ow’embaghane, ng’eyiri omwa enyongezyo A omwa brokyuwa Anza Abandu—Yira Abigha, neryo mulengeho erihambiragho omwa muthwe. Muyibukaye ebiri okwa syokadi esy’esyowiki esy’ahanyuma
Mwighe ekitsweka kirebe eky’ekitabu Tsemera Engebe Kera na Kera!
Iha obuli mundu omw’eka y’olhukwamirwa olhw’erikania okwa mughuma w’okwa myatsi eyiri omwa “E Biblia Erisubirya Okwa Bibulyo” kutse “Emilhondo ye Biblia Erisoborerwa,” ebiri omwa katsweka “ESYONGANGIRIRYA SYE BIBLIA” okwa jw.org

EMIHINDANO:

Muthegheke haghuma ekitsweka kirebe eky’okwa muhindano
Muthegheka n’eriyibegheresya eby’erisubirya. Mulhangire muthi eby’erisubirya byenyu sibirilya buthuku
Muyibegheresaye esyonyimbo sy’Obwami
Mukanaye n’eriyibegheresya ebyo mwanga bugha erihimba omundu mulebe omuhindano owakakwamako athali abya kutse abirihwamu
Muyibegheresaye ekitsweka ky’abigha eky’omughuma omw’eka yenyu akendi syalhabya omwa muhindano w’ahakathi-kathi k’eyenga

ERITHULIRA:

Muyitheghekere erithulira ery’enyumba okwa nyumba
Muyitheghekere abamukendi syasubako
Mulengekanaye okwa mibere y’erithuliramu kitsumbukirania, neryo muyibegheresaye eritsukisya omukania omwa mibere y’obunywani
Mukanaye okwa bilhubirirwa eby’eka yanga hiraho eryongera erisangira omw’ithulira omwa buthuku bw’Eryibuka kutse obw’ekihumuru okwa mubiiri kutse okwa sukuru

EBIYITHAWA BY’EKA:

Muyibegheresaye ekya mwanga kolha okwa mibere mirebe eyabiributhukaho kutse eyangana buthukaho, ng’eyihambire okw’ithendibya na lhuhandi, ab’omwagha, eringira omwa buthethane, kutse okwa mibalha y’ebiro bikulhu
Mukole eriyibegheresya eririmo ababuthi erikolha ng’abaana, n’abaana erikolha ng’ababuthi. Abaana ibakasekulya okwa mwatsi mulebe neryo ibaghanirya n’ababuthi

AWANDI MENGE:

Mulebaye n’erikania okwa ndegheka ndebe eye JW Broadcasting^®
Musome omwatsi kutse erilebya evidiyo erilhua okwa jw.org, neryo mwanakania kuyo
Mukanaye okwa mwatsi mulebe erilhua omwa hitsweka “Teens & Young Adults” kutse “Abaana” ehiri ahisi sy’akatsweka ESYONGANGIRIRYA SYE BIBLIA okwa jw.org
Muyibukaye ebya mwahandika okwa lhuhindano lhunene
Musamalire kutse erisekulya okwa kihangikwa kirebe, neryo enyuma waho mukanaye nga kikabakangirirayaki oku Yehova
Okwa bundi buthuku mwangana kokya omundu mulebe eribayiyungako, neryo imwamubulya
Muyihirireho ebilhubirirwa eby’obunyakirimu, n’erikania nga mwanga biberererya muthi
Mubye n’ekyamukakolha haghuma, ng’erihimba obwathu bwa Noa, kutse erigha okwa syomapu n’esyochati ndebe esiri omwa New World Translation n’omwa bitabu byethu

Mulebaye EVIDIYO Mubye Imunemuthasyuwania Eriramya Lyenyu ly’Eka. Neryo bulhaya abahulikiriri:

Omulhume oyuthahirye angakolhaki erilhangira athi eriramya ly’eka likatsemesaya mukali wiwe bamabya isibawithe abaana?

Eky’erisubirya kyawu

8. Erigha lye Biblia ery’Ekithunga

(Dak. 30) ia esura 21 enu. 1-12

Eby’Erighunzerera Nabyo (Dak. 3) | Olhwimbo 123 n’Omusabe

AKATABU K'OMUHINDANO AK'ENGEBE N'OMUBIIRI WETHU

Endegheka y’Omuhindano ow’Engebe n’Omubiiri ey’Okwomunani 5-11, 2024

Lhukonzo