OMUGHASO W’ERIKOLHA EKI: Emihindano yikathuha akaghisa k’eribya ithune ‘mwimbira’ Yehova ‘n’erimupipa.’ (Esy 149:1) Okwa mihindano, thukakangiriribawa erikolha erisonda lya Nyamuhanga. (Esy 143:10) Abigha n’abanzisibirwe bakakulha-kulhana lhuba-lhuba bamabiritsuka erihindana.

NGOKU KYANGA KOLHWA:

• Kokaya omundu mukanatsuka erikania nayu. Isiwalinda wuthi mukendisyabya mwatsuka erigha nayu imuwamukokya.—Re 22:17

• Soborera oyuwanzisibirwe eby’angalhangira akahika okwa mihindano n’ebikendi syakanibwako okwa mihindano. Bino byangana wathikya omwa mibere eyi: ekada eyikakoya abandu okwa mihindano y’ekithunga, evidiyo eya Okwa Kisenge ky’Obwami Kukakolhawaki?, n’erisomo lya 5 n’erya 7 omwa brokyuwa eya Ni Bahi Abakakolha Erisonda lya Yehova

• Muwathikaye. Mbwino oyuwanzisibirwe akayithagha etrasipoti kutse obuwathikya omw’isombolha olhukimba olhutholere? Ikalha nayu omwa mihindano, kandi mukolesaye haghuma ebitabu byawu. Mukanganaye abandi