Obuli omundu hakanayira iniabya omwa bulighe. Eribya omwa bulighe sikirimanyisaya kithi sithuwithe erikirirya omu Yehova. Kundi nibya, na Yehova nayu mwakangania ngoku okwa bundi buthuku akanabya omwa bulighe. (Enz 6:5, 6) Kandi ibbwa thwamabera eribya omwa bulighe kutse nibya erikwa obulighe bw’olhughumerere?

Saba Yehova y’obuwathikya. Yehova atsomene kutsibu amaghalha wethu w’obwongo n’eriyowa lyethu. Anasi omughulhu thutsemire n’omughulhu thuli omwa bulighe. Akayitheghereraya ekikaleka ithwalengekania n’eriyowa ngoku thukayowa. (Esy 7:9b) Ekikulhu kutsibu, Yehova athutsomene kandi angana thuwathikya erighumira ekitsibu ky’eribya omwa bulighe kutse nibya eriyinuwa.​—Esy 34:18.

Theghaya amaghalha wawu w’obwongo. Eriyowa erithatholere lyangana hamba okwa tseme yethu kuthya n’okw’iramya lyethu. Busana n’ekyo, thukakolha ndeke thukatheya omuthima wethu​—omundu oyo thuli omwakathi, imwamuli ebya thukalengekanaya n’eriyowa lyethu.​—Emi 4:23.

MULEBAYE EVIDIYO NGOKU BALIKYETHU BANAWITHE OBUHOLHO NOMUBANALHWERE OBULHWERE BW’ERIYINUWA, MWANASUBIRYA OKWA BIBULYO BINO:

• Ni byahi ebya Nikki akolha ebya muwathikaya erighumira eriyinuwa?

  Eky’erisubirya kyawu

• Ni kyahi ekyaleka Nikki iniayowa iniatholere erisondya obuwathikya bw’abadokita?—Mt 9:12

  Eky’erisubirya kyawu

• Nikki mwayikethera obuwathikya bwa Yehova omwa nzira syahi?

  Eky’erisubirya kyawu