ENGEBE YETHU NG’ABAKRISTAYO

Wathikya Abathe Banya Dini Eriminya Omuhangiki Wabu

BUGHAYA

Wunewathasagha erithulira abathe banya dini, wukalengekania wuthi sibendi hulikirira? Kyamabya ikwakiri kithya, wibuke ngoku abangyi abathe banya dini—imwamuli n’abikirirye bathi sihali Nyamuhanga—babiribya Bema ba Yehova. Mughulhu mungyi, ekya bayithagha bwabya ibw’obuwathikya buke obw’erilengekania okwa bwema obukakanganaya ngoku Nyamuhanga aneho.—Abar 1:20; 10:14.

MULEBAYE EVIDIYO WIBUKE—ABATHAWITHE ERIKIRIRYA BANGANATHUNGA ERIKIRIRYA!—ABATHE BANYA DINI, MWANASUBIRYA OKWA BIBULYO BINO:

Ekyalholirweko kya Tommaso kyamakuwathikya kithi eribya n’amalengekania awatholere ow’erithulira abathe banya dini?

Eky’erisubirya kyawu

Ngoku kyanga kolhwa

Omundu amabugha athi sy’ikirirye omu Nyamuhanga, ibya w’olhukeri, ow’amenge, n’erikikangania ngoku wanzire kutsibu eriminya amalengekania n’eriyowa liwe okwa mwatsi. (2Tim 2:24) Mukanaye okwa myatsi eyanga mwanzisya. Mbwino anayitheghekire erikania okwa byabirileka abangyi ibikirirya omwa Muhangiki? Kyamabya ikwakiri kithya, kolesaya ebitabu n’esyovidiyo ebikolirwe busana n’ekighendererwa ekyo.

Erimbere, iwangana tsuka erisagha eribwira omundu oyuthikirirye omu Nyamuhanga okwa kwenene. Busana naki iwuthasaba omuthuliri oyuwasi ndeke y’obuwathikya? Kandi, wibuke ngoku Yehova angana thuwathikya erihika okwa mithima y’abawithe amalengekania awakaleka ibatholera—nibya nomukyangabya indi sibabya bikirirye ngoku Nyamuhanga aneho.—Emib 13:48, NWT.