Abandu bangyi bawithe amalengekania awathatholere okwa bawithe obuthoki. Ithwangana yitheghererya ekikaleka. Eritsuka kera abandu babirikolesya nabi obuthoki bwabu busana n’eriyighasira ibobene-bene. (Mika 7:3) Thutsemire kundi abasyakulhu omwa kithunga bathendekirwe erikolesya obuthoki bwabu nuku abandu ba Yehova baghasirawe.​—Esi 10:3; Mt 20:25, 26.

Erithendibya ng’abawithe obuthoki omwa kihugho kino, abasyakulhu bakalhubirira erihebwa olhusunzo olhw’eribya balebererya kundi banzire Yehova n’abandu biwe. (Yn 21:16; 1Pet 5:1-3) Ahisi sy’obusondoli bwa Yesu, abalisya aba bakawathikaya obuli muthuliri eriyowa buholho omw’ihiika ly’abaramya ba Yehova n’erisighalha hakuhi na Yehova. Bakanguhirawa erihimba esyombuli sya Yehova bunyakirimu n’eriwathikya hamabya oyukayithagha obuwathikya obw’erithambirwa obwa lhuba-lhuba kutse hamawa ekitsinduli. Wamayithagha obuwathikya, busana naki iwuthabya w’erimbere eribwira omusyakulhu omwa kithunga kyawu?​—Yak 5:14.

MULEBAYE EVIDIYO ABALISYA ABAKATSOMANA EKIHANGULHO, MWANASUBIRYA OKWA BIBULYO BINO:

• Mariana mwaghasirwa athi omwa buwathikya obwa basyakulhu bakaha?

  Eky’erisubirya kyawu

• Elias mwaghasirwa athi omwa buwathikya obwa basyakulhu bakaha?

  Eky’erisubirya kyawu

• Ebyalholirweko ebi byamahamba bithi okwa malengekania agho wuwithe okwa mibiiri eyo abasyakulhu bakakolha?

  Eky’erisubirya kyawu