Memorial ke Misac lal Jesus
Saturday, April 12, 2025
Pacl se ke kais sie yac ke acn pucspucs fin facluh nohfohn, kuht ahkfuhlwactye misac lal Jesus oacna ke ma el sapkihn inge: “Oruh ma inge in esam yuc.”—Luke 22:19.
Kuht suli kom in wi kuht ke mwe ahkfuhlwact se inge.
Kihsensiyuck Ma Kwacna Siyuckyuck
Puhtahkah program se inge ac orek?
Ma inge ac fah orek ke lusen ao se.
Ma inge ac fah orek oyac?
Pahngon kuh siyuck sin Mwet Loh luhn Jeova lah ac orek oyac.
Yac oasr molin utyak luhn mwet suc ac wi?
Moh, wacngihn.
Yac oasr ahluh in mani ma ac pahsiyuck?
Wacngihn. Mwet Loh luhn Jeova uh elos tiacna siyuck ke mani ke toeni lalos.
Nuknuk fuhkah nga ac orekmakihn nuhke toeni inge?
Tiac oreklac oakwuck lah nuknuk fuhkah ac orekmakihnyuck nuhke toeni se inge, nwe ohinge Mwet Loh luhn Jeova elos kwacfeacng in ukwe kahs in kahsruh luhn Bible in nukum nuknuk ma ahkkahlwemye ohiyen efahl ac suhnak. (1 Timothy 2:9) Nuknuk lom an tiac enenuh in yohk molo kuh arlacna kahto.
Meac ac fah orek ke pacl in Memorial?
Toeni se inge ac fah muhtwacwacack ac sahflah ke on, ac sie puhruhe ac fah orek sin sie mwet liyacacng sin Mwet Loh luhn Jeova. Mwe sramsram se ma tuhkuh ke Bible ac fah ahkuhtweyac ke yohk srihpaciyen misac lal Jesus ac kuht kuh in eis ma wo fuhkah ke ma God ac Christ oruh nuh sesr.
Ke kuhtuhpac mwe ahkuhtweyac kac, liye mwe lutlut se inge “Why Do Jehovah’s Witnesses Observe the Lord’s Supper Differently From the Way Other Religions Do?”
Memorial ac fah orek ngac ke yac luo fahsruh uh?
2025: Saturday, April 12
2026: Thursday, April 2
You May Also Like
MWE ACSMAKIHN
Esam Misac lal Jesus
Kuht luhngse in suli kom in wi kuht ke lwen na yohk srihpac se inge. Kom ac kuh in konwacack lah moul ac misac lal Jesus uh kuh in kahsre kom fuhkah.