Oekyuk 1:1-54
1 Ke len se oemeet ke malem se akluo in yac se akluo tukun mwet Israel illa liki acn Egypt, LEUM GOD El kaskas nu sel Moses in Lohm Nuknuk Mutal sel yen mwesis Sinai. El fahk,*
2 “Kom ac Aaron in oru sie oaoa lulap ke sruf ac sou nukewa lun mwet Israel. Simusla inen mukul nukewa
3 yac longoulyak matwa, su ku in wi mweun.
4 Sie mwet kol ke kais sie sruf in kasrekomtal.”
5 Pa inge inen mwet su ac fah kasreyomtal:
Pa inge mwet ma solla liki inmasrlon mwet uh in oru oaoa se inge. Elos mwet kol ke kais sie sruf lalos.
17 Mwet singoul luo inge elos kasrel Moses ac Aaron
18 solani mwet uh nu sie ke len se meet in malem se akluo. Elos simusla inen mwet uh ke sruf lalos ac sou lun papa matu tumalos, ke inen mukul nukewa ma yac longoulyak matwa,
19 oana ke LEUM GOD El sapkin nu sel Moses. Ouinge el oakalosla in acn mwesis in Sinai.
20 Simla inen mukul nukewa ma yac longoulyak matwa ma ku in wi mweun, fal nu ke sruf ac sou lalos, mutawauk ke sruf lal Reuben, su matu emeet sin tulik natul Israel. Pa inge takla lun sruf ac pisalos:
44 ——
45 ——
46 Pisa lulap: mukul onfoko tolu tausin ac lumfoko lumngaul.
47 Tusruktu, mwet Levi elos tuh tia wi simla inelos in oana sruf saya uh,
48 mweyen LEUM GOD El fahk nu sel Moses,
49 “Ke pacl se kom oru oaoa lulap ke inen mukul ma fal in wi mweun, nimet sang sruf lal Levi nu kac.
50 A kom fah sang sruf Levi in fosrngakin Lohm Nuknuk Mutal sik ac kufwa nukewa nu kac. Elos fah us ma inge nukewa, ac elos pa ac kulansap loac. Elos in tulokunak iwen aktuktuk selos rauneak.
51 Kutena pacl kowos ac mukuila nu ke sie pacna acn, ma kunen mwet Levi in tuleya Lohm Nuknuk Mutal sik, ac sifilpa tulokunak ke nien aktuktuk sasu. Kutena mwet saya su tuku apkuran nu ke Lohm Nuknuk Mutal ac fah anwuki.
52 Sruf nukewa sayen sruf lal Levi fah tulokunak lohm nuknuk selos fal nu ke kais sie u lalos, ac in oasr kais sie flag lun kais sie u.
53 A mwet Levi fah tulokunak lohm nuknuk selos rauneak Lohm Nuknuk Mutal sik tuh elos in karingin in wangin sie fah tuku apkuran nu kac ac pwanak kasrkusrak luk uh in putati fin mwet Israel nukewa.”
54 Ke ma inge mwet Israel elos oru ma nukewa oana ma LEUM GOD El sapkin nu sel Moses.
Sruf | Mwet Kol |
---|---|
Reuben | Elizur wen natul Shedeur |
6 Simeon | Shelumiel wen natul Zurishaddai |
7 Judah | Nashon wen natul Amminadab |
8 Issachar | Nethanel wen natul Zuar |
9 Zebulun | Eliab wen natul Helon |
10 Ephraim | Elishama wen natul Ammihud |
11 Manasseh | Gamaliel wen natul Pedahzur |
12 Benjamin | Abidan wen natul Gideoni |
13 Dan | Ahiezer wen natul Ammishaddai |
14 Asher | Pagiel wen natul Ochran |
15 Gad | Eliasaph wen natul Deuel |
16 Naphtali | Ahira wen natul Enan |
Sruf | Pisalos |
---|
21 Reuben | 46,500 |
22 —— |
23 Simeon | 59,300 |
24 —— |
25 Gad | 45,650 |
26 —— |
27 Judah | 74,600 |
28 —— |
29 Issachar | 54,400 |
30 —— |
31 Zebulun | 57,400 |
32 —— |
33 Ephraim | 40,500 |
34 —— |
35 Manasseh | 32,200 |
36 —— |
37 Benjamin | 35,400 |
38 —— |
39 Dan | 62,700 |
40 —— |
41 Asher | 41,500 |
42 —— |
43 Naphtali | 53,400 |
Footnotes
^ 1:1–46; Oek 26:1–51