Oekyuk 2:1-34
2 LEUM GOD El fahkang oakwuk inge nu sel Moses ac Aaron.
2 Ke pacl mwet Israel uh aktuktuk uh, kais sie mwet fah muta ye flag lun sruf lal, ac ke mwe akul lun sou lal. Lohm nuknuk nukewa ac fah tulokyak rauneak Lohm Nuknuk Mutal.
3 Elos su tulokinya nien aktuktuk selos layen kutulap, yen faht uh takak we, ac fah mwet ye flag lun u lulap lal Judah, ke kais sie u lalos. Mwet kol lun u tolu uh pa takla ten inge:
9 Pisa lulap: mukul siofok oalngoul onkosr tausin ac angfoko. U lulap lal Judah inge pa ac fahsr meet uh.
10 Nu layen nu eir, elos su wi muta ye flag lun u lulap lal Reuben fah mutangan aktuktuk in u tolu lalos, ye koko lun mwet kol lalos inge:
16 Pisa lulap: mukul tausin siofok lumngaul sie ac angfoko lumngaul. U lulap lal Reuben pa ac fahsr akluo uh.
17 Na, inmasrlon u lulap luo meet ac u lulap luo tok ah, mwet Levi in fahsr us Lohm Nuknuk Mutal uh. Kais sie u ac fah fahsr fal nu ke takinyen mutangalos. Elos nukewa fah fahsr in u lalos ye flag lalos.
18 Nu layen nu roto, elos su wi muta ye flag lun u lulap lal Ephraim fah mutangan aktuktuk in u tolu lalos, ye koko lun mwet kol lalos inge:
24 Pisa lulap: mukul siofok oalkosr tausin ac siofok. U lulap lal Ephraim pa ac fahsr aktolu uh.
25 Nu layen nu epang, elos su wi muta ye flag lun u lulap lal Dan fah mutangan aktuktuk in u tolu lalos, ye koko lun mwet kol lalos inge:
31 Pisa lulap: mukul siofok lumngaul itkosr tausin ac onfoko. U lulap lal Dan pa ac fahsr oetok uh.
32 Pa inge pisen mwet Israel nukewa ke oaoala tari kais sie u: oasr mwet onfoko tolu tausin lumfoko lumngaul.
33 Oana ke LEUM GOD El tuh sapkin nu sel Moses, mwet Levi uh tia wi oaoala lun mwet Israel uh.
34 Mwet Israel elos oru ma nukewa oana LEUM GOD El tuh sapkin nu sel Moses. Elos mutangan aktuktuk ye flag lalos, ac ke elos mukuiyak elos fahsr fal nu ke takinyen sou lun papa tumalos.
| Sruf | Mwet Kol | Pisalos |
|---|---|---|
| Judah | Nahshon wen natul Amminadab |
| 4 74,600 |
| 5 Issachar | Nethanel wen natul Zuar |
| 6 54,400 |
| 7 Zebulun | Eliab wen natul Helon |
| 8 57,400 |
| Sruf | Mwet Kol | Pisalos |
|---|---|---|
| Reuben | Elizur wen natul Shedur |
| 11 46,500 |
| 12 Simeon | Shelumiel wen natul Zurishaddai |
| 13 59,300 |
| 14 Gad | Eliasaph wen natul Deuel |
| 15 45,650 |
| Sruf | Mwet Kol | Pisalos |
|---|---|---|
| Ephraim | Elishama wen natul Ammihud |
| 19 40,500 |
| 20 Manasseh | Gamaliel wen natul Pedahzur |
| 21 32,200 |
| 22 Benjamin | Abidan wen natul Gideoni |
| 23 35,400 |
| Sruf | Mwet Kol | Pisalos |
|---|---|---|
| Dan | Ahiezer wen natul Ammishaddai |
| 26 62,700 |
| 27 Asher | Pagiel wen natul Ochran |
| 28 41,500 |
| 29 Naphtali | Ahira wen natul Enan |
| 30 53,400 |
