On Lal Solomon 6:1-13
6 Kom su kato oemeet inmasrlon mutan uh,
Mukul se kom lungse ingan som nu oya?
Fahkma nu sesr lah el fahsr nu ya,
Kut in mau ku in kasrekom sokolak.
Verse Lun Mutan Se
2 Kuiyuk el som nu ke ima lal,
Yen sak keng uh kapak we.
El som kite un sheep natul in ima sac,
Ac kinkin ros kiuf.
3 Mukul se nga lungse inge ma na luk, ac nga ma na lal.
El mukena kite un kosro natul inmasrlon ros kiuf uh.
On Soko Aklimekosr
Verse Lun Mukul Se
4 Mutan saok sik, kom arulana oasku oana acn Jerusalem,
Kom kato oana siti fulat Tirzah,
Oaskuiyom mwe kaksak ac arulana insewowo in liyeyuk.
5 Furokla motom likiyu;
Ngetma lom an oru nga kofla in oru kutena ma.
Aunsifom sroalsroal ac srosro oana un nani uh
Ke ac putati fineol Gilead me.
6 Wihsum fasrfasr oana sheep
Ma tufahna kalkulla ac owola.
Tia soko selos fulukla;
Nufonna arulana fas, ac kais soko oasr lainya.
7 Likintupom srusrsrusrame ye nuknuk minini lisringyen motom an.
8 Mansis finne oasr kasra onngoul ac mutan kulansap oalngoul kial tokosra,
Wi mutan fusr puspis saya su tia ku in oekyukla.
9 Tusruktu mutan sefanna pa nga lungse uh,
El arulana wo ac kato, oana sie wuleoa.
El mutan sefanna nutin nina kial uh,
Ac nina kial el kuloel.
Mutan nukewa liyal ac kaksakunul;
Kasra ac mutan kulansap kien tokosra elos yuk on in kaksak kacl.
10 Su mutan se inge, ku ngetngeta uh oana kalmen lotu uh?
El arulana oasku ac saromrom,
Ac srekuti oana faht uh ku malem uh.
11 Nga oatula inmasrlon sak almond uh
In tuh liye sak fusr ma kap infahlfal uh,
Ac liye sra sasu ke mah orak uh,
Ac ros ma farengelik ke sak pomegranate.
12 Nga rrarakkom oru nga tufalak ke lungse luk uh,
Oana sie mwet utuk chariot ke el ac rarala nu ke mweun uh.
Verse Lun Mutan Uh
13 Mutan fusr Shulam se ingan, foloko, foloko,
Tuh nga in ku in tuni kom.
Verse Lun Mutan Se
Efu ku kom lungse tuniyu
Ke nga tacn inmasrlon mwet su takla tacn inge?