Psalm 124:1-8
[Psalm lal David]
God El Mwe Loang Nu Sin Mwet Lal
124 LEUM GOD El funu tia wi kut la, lukun fuka?
O Israel, kowos in topuk!
2 “LEUM GOD El funu tia wi kut le,
Ke mwet lokoalok elos mweun lain kut
3 Kut lukun moul na elos ukumkutla
Ke sripen kasrkusrak lulap lalos sesr;
4 Na sronot u pokkutla,
Kof u afwinkutla,
5 A kof pulkulak akwalomyekutla.”
6 Lela kut in sang kulo nu sin LEUM GOD,
Su tia filikutyang nu in poun mwet lokoalok lasr.
7 Kut tu kaingla oana sie won su kaingla liki sruf lun mwet sru won;
Sruf u musalla a kut sukosokla!
8 Kasru lasr tuku sin LEUM GOD,
Su orala kusrao ac faclu.
