Psalm 26:1-12
[Psalm lal David]
Pre Lun Sie Mwet Wo
26 O LEUM GOD, akkalemye lah wangin mwetik,
Mweyen nga oru ma suwohs
Ac nga lulalfongi kom ke insiuk nufon.
2 Tuniyu ac srikeyu, LEUM GOD;
Liye insiuk ac nunak luk.
3 Tuh lungse kawil lom atolyu;
Ac oaru lom kolyu pacl e nukewa.
4 Nga tia asruoki yurin mwet lusrongten;
Wangin ip luk yurin mwet wosounkas.
5 Nga tia lungse asruoki nu sin mwet koluk,
Ac nga fahsr liki mwet sulallal.
6 LEUM GOD, nga ohlla pouk in akkalemye lah nga nasnas na,
Ac nga fahsr rauni loang lom.
7 Nga yuk soko on in sang kulo,
Ac nga fahkak ke orekma wowo lom nukewa.
8 LEUM GOD, nga lungsik lohm su kom muta we,
Acn su wolana lom oan we.
9 Nikmet uniyuwi yurin mwet koluk;
Moliyula liki ouiyen misa lun mwet akmas,
10 Mwet su orekma koluk in pacl e nukewa
Ac akola in eis mwe moul kutasrik.
11 A funu nga, nga oru ma suwoswos.
Pakomutuk ac moliyula!
12 Nga muta in misla liki mwe ongoiya nukewa;
Nga fah kaksakin LEUM GOD ke nga muta inmasrlon mwet lal.
