Muhtwacwacack in yac 2018, mackuhsin nahtuhsr uh ma ac fah kihtakat nuh sin mwet uh ahkkahlwemye sifac se na ke kais sie issue. Mackuhsin inge nuhkewa wi ke mwe rit ma kuht kwacna orekmakihn ke orekma in luti lasr uh. Pwacnacng, lwelah kuht in orekmakihn ma inge nuhke orekma in luti lasr uh. Kuht kuh in us pac kuhtuh issue ke kuht oruh fuhfahsryucsr lasr kuh som moul. Kuht tiac orekmakihn mackuhsin inge in lutlut Bible yurin mwet uh, tuhsruhktuh mwe rit se inge kuh in oruh sie mwet in ahkkweye luhngse lal in ahkyohkye etwacack lal ke God.

Tukun kom muhtwacwacack in sramsram nuh sin sie mwet, riti sie ma suhmuhslah ac ahkkahlwemye sifac ke mackuhsin an ma ac fah pihrihk nuhnak luhn mwet sacn. Ke sie mwe puhpuhlyuck, el fin karihngihn sucu se kuh muhtwacnglah ke mwe ahsor kuh mwe fosrngah, kom kuh in fahk: “Nga tuhfahna riti sie mwe lutlut na wo ke ohiyac se inge. Yac nga kuh in ahkkahlwemye nuh sum?” Kom fin akihlen lah mwet se inge el luhngse in lohng, kom kuh in sang nuh sel sie copy ke mackuhsin sacn, kuh suhpwaclah nuh sel sie electronic copy, finne ke ohsun se meet. Finne kuht tiac srihke muhkwena in kihtakat mackuhsin, tuhsruhktuh mackuhsin uh ac kuh in kahsre kuht in konwacack mwet suc luhngse in orekmakihn ke moul lal ma el lotwelah.​—Orek. 13:48.