Kom fin sie mwet lili fuhsr kuh sie mwet suc lutlut Bible, yac kom nuhnkuh in eis bacptais? Efuh kuh kom enenuh in eis bacptais? Wuhlelah ac bacptais pa muhtwacwaciyen sie fototo wowo nuh sin God. (Psa. 91:1) Ma inge oacyacpac kol nuhke molwelah. (1Pet. 3:21) Kom ac kapkapwack fuhkah nuhke step inge?

Ahkpwacyeye nuh sum sifacna lah pa inge ma pwacye. Oruh research lom sifacna in tohpohklah kuhtwena kihsen siyuck lom an. (Rom. 12:2) Akihlen kuhtwena ma eklac ma kom enenuh in oruh. Ke pacl se kom oraclah ma eklac ma enenweyuck an, kom ahkpwacyeye lah kom oruh ma inge ke srihpen kom luhngse in ahkinsewowoye Jeova. (Soa. 27:11; Eph. 4:23, 24) Puhruhe nuh sel pacl nuhkewa ke kahsruh. Esam lah, Jeova el ac fah ahkkweye ac kahsre kom ke inkacnek luhn nguhn muhtahl lal uh. (1Pet. 5:10, 11) Kwacfeacng lom ma kom oraclah uh arlacna yohk srihpac. Inkacnek se ma wo emeet ke moul pa kuhlwacnsap nuh sin Jeova!​—Psa. 16:11.

LIYE VIDEO SE INGE THE ROAD TO BAPTISM, AC TOHKOHYANG TOHPOHKLAH KIHSEN SIYUCK EKAHSR TEN INGE:

• Ma upac fuhkah ma kuhtuh sin mwet kuhtanglah tuh elos in eis bacptais?

• Kom kuh in ahkkweye fuhkah luhlahlfongi ma kom enenuh in wuhlelah moul lom sifacna nuh sin Jeova?

• Meac ahkkweye kuhtuh mwet in oruh ma enenweyuck tuh elos in fal in eis bacptais?

• Jeova el ahkinsewowoye fuhkah mwet suc sulaclah in kuhlwacnsuhpwacl?

• Meac kalmen wuhlelah ac bacptais?