Efuh kuh kuht engankihn na pwacye toeni luhlahp lasr ke yac nuhkewa uh? In oacna mwet Israel in pacl meet ah, toeni luhlahp ke pacl lasr uh kwacna use nuh sesr pacl wo in alu nuh sin Jeova wi tausin sin mwet lili wiyacsr uh. Kuht engankihn mwe lutlut nuhkewa ma kuht eis kac ma kahsre kuht in fototo nuh sin Jeova. Kuht ahksacohkye pac pacl kuht asruoki yurin kawuck ac sucu lasr uh. Srui yohk lasr inge mokle kuht in wi nuhke toeni luhlahp inge ke lwen tolu.

Fin oasr pacl wo lasr in tuhkweni nuh sie, kuht tiac enenuh in nuhnkuh muhkwena ke ma kuht kuh in sifacna eis kac tuhsruhktuh, kuht nuhnkuh pac lah fuhkah kuht kuh in ahkkahlwemye luhngse nuh sin mwet sahyac uh. (Gal. 6:10; Heb. 10:24, 25) Kuht fin ikacslah sruhnguhl uh nuh sin mukul kuh muhtwacn lili wiyacsr uh, kuh kuht sackuhnlah na acn in muhta kuht ac fah enenuh, kuht ahkkahlwemye lah kuht suk ma ac wo nuh sin mwet sahyac uh. (Php. 2:3, 4) Toeni luhlahp uh use pacl wowo nuh sesr in konwacack kawuck sasuc. Meet liki ac tukun program ac ke pacl in monglac ke infulwen lwen, kuht kuh in aetuhi nuh sin sie mwet suc kuht tiac etuh. (2Cor. 6:13) Kawuck wo ma kuht oraclah in pacl sacn ac kuh in oan nuh tok ma pahtpaht! Yohk liki nuhkewa, fin mwet sahyac uh liye lah kuht ahkkahlwemye luhngse pwacye, elos ac kuh in sulaclah in wi kuht in kuhlwacnsuhpuh Jeova.​—Jn. 13:35.

LIYE VIDEO SE INGE “LOVE NEVER FAILS”! INTERNATIONAL CONVENTIONS, AC TOHKOHYANG TOHPOHKLAH KIHSEN SIYUCK EKAHSR TEN INGE:

• Luhngse uh ahkkahlwemyeyuck fuhkah nuh sin delegate nuhkewa suc wi ke international convention ke yac 2019?

• Efuh kuh inse sefanna ac luhngse ma oasr inmahsrlon mwet luhn Jeova uh siena?

• Kain in ohiyac fuhkah ke luhngse luhn mwet Christian ma mwet ke Governing Body uh ahkkahlwemyeyuck?

• Fuhkah ohiyen luhngse oruh tuh mwet lili wiyacsr fin acn Germany ac South Korea in inse sefanna?

• Meac kuht luhngse na pwacye in oruh?