Ma upac kuh mwe fosrngah fuhkah kom sun ke lwen nuhkewa? Yac kom sie sifen sucu suc kwacfeacng in karihngihn kunohkohn pucspucs? Yac kom sie pahpah kuh ninac lolacp suc kwacfeacng na pwacye in sang mwe enenuh luhn sucu lom an? Yac kom sie mwet fuhsr ke lohm lutlut suc sun mwe ahkkuluk sin tuhlihk lutlut wiyom an? Yac kom puhlakihn mas kuh muhnahslah monum ke srihpen mahtuhoh? Ahok, mwet nuhkewa oasr ma upac ke moul la. Mwet Christian elos puhla ma upac pucspucs ke pacl sacnpacna. Ne ohinge, kuht etuh lah ac fah tiac paht Jeova el ac ahksukohsohkyekuhtlac liki ma upac nuhkewa inge.​—2Cor. 4:16-18.

Nwe ke pacl sacn, kuht kuh in eis mwe ahkkweye ke srihpen kuht etuh lah Jeova el kahlwem ke ma upac lasr uh, el ahksacohkye oaru ac kwacfeacng lasr in muhtweng, ac el ac ahkinsewowoye kuht na pwacye. (Jer. 29:11, 12) Jesus el nuhnkuh pac kacsr. Ke kuht ahkpwacyeye kunohkohn lasr oacna mwet Christian, el wuhlema nuh sesr ohinge: “Nga ac fah wi kowos.” (Mt. 28:20) Ke kuht nuhnkuh yohk ke sukohsohk ke pacl fahsruh uh ye kolyuck luhn Tohkohsrahi luhn God, kuht ahkkweye finsrak lasr ac sulaclah pwacye lasr in muhtweng ke ma upac nuhkewa ke pacl inge.​—Rom. 8:19-21.

LIYE VIDEO SE INGE AS THE STORM APPROACHES, MAINTAIN YOUR FOCUS ON JESUS!​—FUTURE KINGDOM BLESSINGS, AC TOHKOHYANG TOHPOHKLAH KIHSEN SIYUCK EKAHSR TEN INGE:

• Mwet uh sriyucklac liki God fuhkah, ac ke srihpac inge meac sikyak?

• Ma wo fuhkah ke pacl fahsruh uh ma mwet suc oaru nuh sin Jeova uh elos ac fah engankihn?

• Ma wo inge ke pacl fahsruh uh ac kuh in sikyak fuhkah?

• Mwe insewowo fuhkah ke facluh sasuc ma wihliyucklac kom ke na pwacye in tari liye?