MOUL LUHN MWET CHRISTIAN

Pahpah ac Ninac, Kowos In Luti Tuhlihk Nuhtuwos an Ke Ma Elos Enenuh in Etuh

PLAY

Kuht moul ke facluh se ma srihke in oruh kuht in nuhnkuh muh ma wo uh kuluk, ac ma kuluk uh wo. (Isa. 5:20) Sie mwe ahsor, mweyen kuhtuh mwet uh oruh ma kuluk ma Jeova el sruhnga, oacna ohiyac kuluk inmahsrlon mukul nuh sin mukul ac muhtwacn nuh sin muhtwacn. Sahp, tuhlihk wiyacltahl ke lohm lutlut kuh mwet sahyac uh ac srihfe mwet fuhsr lasr inge suc arlac sacohk in etahi ma eltahl oruh. Kowos ac ahkolah fuhkah tuhlihk nuhtuwos an in tu na kuh ke mwe srihfe inge ac ke kuhtuh pac ohiyac kuluk sahyac?

Luti tuhlihk nuhtuwos an in etuh ke oakwuck fuhlwact luhn Jeova. (Lev. 18:3) Kais kuhtuh srihsrihk na lotweltahl ke ma Bible uh fahk ke ohsun ke mahno luhn mukul ac muhtwacn. Ma kowos ac luti nuh seltahl uh enenuh in fal nuhke matwacltahl ac ke ma eltahl kuh in kahlwem kac an. (Dut. 6:7) Siyuck sum sifacna: ‘Yac nga luti tuhlihk nuhtihk uh ke ohiyac ma fal in ahkkahlwemye luhngse nuh sin mwet sahyac, ke yohk srihpaciyen orekmakihnyen nuknuk wo ac fal, ac ke suwohs laltahl in tiac lwelah mwet sahyac in liyacltahl ke pacl ma eltahl oruh ma uh oacna pacl in yihyih kuh ayaol nuknuk? Yac tuhlihk nuhtihk uh etuh ma eltahl enenuh in oruh ke pacl se ma sie mwet el ahkkahlwemye petsac fohkfohk, kuh siyuck seltahl in oruh ma se ma Jeova el sruhnga?’ Etwacack laltahl kac uh kuh in kahsreltahl in fahsr liki ma upac pucspucs. (Soa. 27:12; Ecc. 7:12) Ke kowos luti tuhlihk nuhtuwos an, kowos ahkkahlwemye lah kowos luhngse mwe usru lowos sin Jeova inge suc arlac sacohk.—Psa. 127:3.

LIYE VIDEO SE INGE BUILD A HOUSE THAT WILL ENDURE—SAFEGUARD YOUR CHILDREN FROM “WHAT IS EVIL,” AC TOHKOHYANG TOHPOHKLAH KIHSEN SIYUCK EKAHSR TEN INGE:

Efuh kuh kuhtuh mwet uh ahlohloh in luti tuhlihk nahtuhlos uh ma ke ohsun ke mahno luhn mukul ac muhtwacn?
Efuh kuh pahpah ac ninac uh enenuh in ahkpahye tuhlihk nahtuhlos ke ‘kai a kaiyuk lun Jeova’?—Eph. 6:4, BMK
Etwacack uh sie mwe karihngihn wo nuhke moul

Meac u luhn Jeova uh oraclah in kahsruh pahpah ac ninac in luti tuhlihk nahtuhlos uh ma ke ohsun ke mahno luhn mukul ac muhtwacn?—w19.05-E sra 12, pohk
Efuh kuh kom enenuh in sramsram pacl nuhkewa nuh sin tuhlihk nuhtum an meet liki elos sun ma upac?