Efuh kom enenuh in fahkwack nuh sin pahpah ac ninac kiyom ma kom nuhnkuh uh? (Soa. 23:26) Mweyen, Jeova el sang kunohkohn nuh selos in karihngihn kom ac kol kom. (Psa. 127:3, 4) Ac fah upac nuh selos in kahsre kom kom fin ac okanlah mwe fosrngah ac mwe elyah lom nuh selos. Oacyacpac, kom ac tiac lotwelah ke ma sikyak ma kahsrelos in kuhtanglah ke moul lalos. Yac kuluk in tiac fahk nuhnak lom? Tiac pacl nuhkewa, tuhsruhktuh taran in kiacpwelah pahpah ac ninac kiyom tuh elos in luhlahlfongi ke ma se ma tiac pwacye.​—Soa. 3:32.

Kom ac sramsram fuhkah nuh sin pahpah ac ninac kiyom? Srihke in sulaclah sie pacl wo ac fal nuh sum ac nuh selos. Fin upac nuh sum in oruh ma inge, kom kuh in suhmuhslah sie lwacta an nuh sin sie selos in ahkkahlwemye ma kom puhla. Na fuhkah elos fin luhngse in sramsramkihn sie ma ma kom tiac ke sramsramkihn? Esam lah elos luhngse na pwacye in kahsre kom. Nuhnkuh ke pahpah ac ninac kiyom oacna mwet kawuck, ac tiac mwet lokoalok. Kwacfeacng yohk lom in sramsram nuh sin pahpah ac ninac kiyom ac fah kahsre kom ke lusen moul lom nohfohn, ahok moul ma pahtpaht!​—Soa. 4:10-12.

LIYE VIDEO SE INGE MY TEEN LIFE—HOW CAN I TALK TO MY PARENTS? AC TOHKOHYANG TOHPOHKLAH KIHSEN SIYUCK EKAHSR INGE:

• Meac Esther ac Partik elos akihlen kaclos sifacna?

• Meac kom kuh in lotwelah ke mwe srihkasrak lal Jesus?

• Pahpah ac ninac kiyom ahkkahlwemye fuhkah lah elos nuhnke kom?

• Kahs in kahsruh fuhkah in Bible uh kuh in kahsre kom in sramsram nuh sin pahpah ac ninac kiyom?