AHKOLAH IN WO NUHKE OREKMA IN LUTI UH | AHKYOHKYE ENGAN LOM NUHKE OREKMA IN LUTI UH
Sun Insiac
Ahkostwen nuh sin God tuhkuh ke insiac. (Soa. 3:1) Ke ma inge, ke kuht luti, kuht enenuh in kwacfeacng in sun insiacn mwet suc lohng kuht. Fuhkah?
Ke kom luti mwet lutlut lom ke ma pwacye in Bible, kom enenuh pac in kahsrel in kahlwem kac lah mwe lutlut sac kuh in kahsruh fuhkah moul lal ac fototo lal nuh sin Jeova. Kahsrel in kahlwem lah fuhkah oakwuck fuhlwact luhn Bible ahkkahlwemye ke luhngse, orekma wo, ac suwohswohs luhn God. Kihsen siyuck nuh sel ke inkacnek wo ac kuhlwacng lah meac el puhla ke ma el lotwelah. Kahsrel in nuhnkuh ahkwoyac lah moul lal ac fah wolac fuhkah el fin ekuhllah sie ohiyac kuh orekma ma tiac wo. Ke kom liye luhngse pwacye luhn mwet lutlut lom nuh sin Jeova, engan lom ac fah yohkwelihk.
LIYE MWE LUHMAHLAH KE VIDEO SE INGE EXPERIENCE THE JOY OF DISCIPLE-MAKING—IMPROVE YOUR SKILLS—REACHING THE HEART, AC TOHKOHYANG TOHPOHKLAH KIHSEN SIYUCK INGE:
-
Efuh kuh Neeta el siyuck sel Jade: “Yac kom nuhnkuh yohk ke ma kuht sramsramkihn ke Monday ac?”
-
Neeta el kahsrel Jade fuhkah in kahlwem kac lah oakwuck wo luhn Bible uh ahkkahlwemye luhngse luhn Jeova nuh sel?
-
Kuht fin sun insiacn mwet lutlut lasr, el ac ahkkweyeyuck in tahfwelah na in ahkfototoyacl nuh sin Jeova
Neeta el kahsrel Jade fuhkah in ahkuhtweyac lah fuhkah el kuh in ahkkahlwemye luhngse lal nuh sin God?
