Jeova el kahsruh mwet suhkahsruhp fin acn Israel in pacl meet ah. Meac kuhtuh inkacnek ma el kahsruh mwet kuhlwacnsap lal suc suhkahsruhp ke pacl inge?

• El lotwelos in oasr nuhnak wo ke mani.​—Lk. 12:15; 1Tim. 6:6-8

• El kahsrelos in etuh in sifacna suhnakuhnuhlos.​—Job 34:19

• El lotwelos in alken ke orekma ac fahsr liki ohiyac ma ac ahkkulukyaclos.​—Soa. 14:23; 20:1; 2Cor. 7:1

• El usacloslac nuhke sie u luhn mwet lili suc luhngse sie sin sie.​—Jn.13:35; 1Jn. 3:17, 18

• El sang finsrak nuh selos.​—Psa. 9:18; Isa. 65:21-23

Finne kuht kwacoh ke moul lasr uh, tuhsruhktuh kuht tiac enenuh in fosrngahlah. (Isa. 30:15) Jeova el ac karihngihn mwe enenuh lasr ke kuht suk meet Tohkohsrahi lal uh.​—Mt. 6:31-33.

LIYE VIDEO SE INGE LOVE NEVER FAILS DESPITE . . . POVERTY​—CONGO, AC TOHKOHYANG TOHPOHKLAH KIHSEN SIYUCK EKAHSR INGE:

• Mwet lili suc muhta ke acn apkuhran nuhke acn ma toeni luhlahp uh orek we ahkkahlwemye fuhkah kuhlwacng lalos nuh selos suc enenuh in fuhfahsryucsr nuhke toeni luhlahp?

• Meac video sacn luti ke luhngse luhn Jeova nuh sin mwet suhkahsruhp?

• Kuht kuh in etahi Jeova fuhkah finne puhkantwen kuh srihklac ma oasr yohrohsr?