Kuht orekmakihn wo kuh lasr ke kuht oakiyac finsrak wo nuhke orekma in kuhlwacnsap lasr nuh sin Jeova. (1Cor. 9:26) Finsrak wo lasr kahsre kuht in orekmakihn wo pacl lasr meet liki sahflahiyen oakwuck se inge. (Eph. 5:15, 16) Ke pacl in lutlut luhn sucu lowos, kowos kuh in sramsramkihn lah finsrak fuhkah kowos luhngse in oakiyac ke yac sasuc in kuhlwacnsap se inge? In kahsre kom kac, oasr mwe lutlut pucspucs ke meeting workbook se inge ke kain in finsrak ma kom kuh in nuhnkuh ac puhruhe kac.​—Jas. 1:5.

Ke sie mwe puhpuhlyuck, yac mwet in sucu nuhkewa kuh in akacsruhi, tuh sie selos kuh in eklac oacna sie regular pioneer? Kom fin tiac etuh na pwacye lah kom ac kuh in sun ao enenweyuck, sramsram nuh sin kuhtuh pioneer suc sun pac ohiyac oacpacna inge. (Soa. 15:22) Sahp, kom kuh in interviewi sie pioneer ke pacl in lutlut luhn sucu lomtacl. Kom kuh in suhmuhslah schedule ma wo ac fal. Kom fin wi tari ke orekma luhn pioneer in pacl somlah, nuhnkuh ahkwoyac lah kom kuh in sifwilpac sroacng nuhke orekma luhn pioneer ingena.

Yac kuhtuh sin mwet in sucu lom kuh in wi auxiliary pioneer ke mahlwem se kuh luo? Kom fin tiac arlac kuh in mahno, sahp kom kuh in wi auxiliary pioneer ke kom orekmakihn kihtin pacl kais sie lwen ke orekma in luti. Fin srihklac pacl lom in wi ke orekma in luti ke infulwen wik uh ke srihpen kom orekma lwen nuhkewa kuh kom oasr ke lohm lutlut, sahp kom kuh in sulaclah sie mahlwem ma oasr holiday se kuh weekend lihmekohsr kac. Ke sie calendar an, suhmuhslah lah piyac pacl kom ke wi auxiliary pioneer ac oraclah pac sie schedule an.​—Soa. 21:5.

LIYE VIDEO SE INGE BE A COURAGEOUS . . . PIONEER, AC TOHKOHYANG TOHPOHKLAH KIHSEN SIYUCK SE INGE:

• Meac experience lal Sister Aamand luti nuh sesr ke luhngse ac karihngihnyuck wo luhn Jeova nuh selos suc kwacfeacng in oruh orekma luhn pioneer?