Ke mahlwem luhn September, kuht ac fah kwacfeacng in oruh lutlut Bible nuh sin kais sie sucu, ke kuht orekmakihn brochure se inge Engankihn Moul Ma Pahtpaht! Publisher elos kuh in sulaclah in wi auxiliary pioneer ke lusen ao 30. Kuht ac wi fuhkah ke special campaign se inge?

• Ke Ohsun Se Meet: Orekmakihn kolo sahflah ke brochure se inge in pihrihk nuhnak luhn mwet, ac srihke in luhmahlah sie lutlut Bible. Esam mwet suc ahkkahlwemye pwacr lalos in lohng in pacl somlah, wekuhnacng return visit lom. Finne in pacl somlah ah elos sruhnga in lutlut, sahp elos luhngse liye inkacnek in lutlut sasuc lasr ac brochure sasuc se inge. Kuht ac tiac fihliyac brochure se inge in lohm ma wacngihn mwet, kuh sang in wi lwacta nuh sin mwet suc tiac pwacr in lutlut in pacl somlah ah. Congregation Service Committee kuh in oraclah oakwuck ke kuhtuhpac toeni sahyac nuhke forfor ke lusen mahlwem se inge.

• Kuhtuhpac Pacl Wo Sahyac: Congregation lom an fin orekmakihn literature carts, ac kuh in ahkkahlwemye brochure se inge Engankihn Moul Ma Pahtpaht! Ahkuhtweyac nuh selos suc siyuck ke mwe rit se inge lah elos fin eis brochure se, kuh in orek pac lutlut Bible se nuh selos ke wacngihn molo. Luhmahlah sie lutlut Bible ke kihtin pacl, kuh oraclah oakwuck in oruh ma inge ke pacl sahyac. Service overseer kuh in oraclah oakwuck in oasr mwet lili suc pah in oruh orekma in fahkwack ke acn in business ac ahkkahlwemye lutlut Bible. Kom kuh in ahkkahlwemye pac lutlut Bible nuh sin mwet suc wi kom orekma, kuh nuh sin mwet suc kom ohsun nuh se ke kom sang ma loh ke pacl sahyen pacl in forfor.

Jesus el sapkihn kuht in ‘oruh mwet tuhma lutlut,’ ac ‘lotwelos.’ (Mt. 28:19, 20) Lwelah special campaign se inge in kahsre kuht in ahkpwacyeye finsrak inge, orekmakihn Engankihn Moul Ma Pahtpaht!