Ke congregation lasr uh oasr mukul ac muhtwacn lili suc kuhlwacnsuhpuh Jeova ke lusen yac pucspucs. Kuht kuh in lotwelah ke luhlahlfongi yohk lalos nuh sin Jeova. Kuht kuh in siyuck selos ke ma sikyak ke u luhn Jeova ac ke ma upac ma elos sun ac lah fuhkah Jeova el kahsrelos in muhtwacnglah ac kuhtanglah ma upac inge. Kuht kuh pac in suli sie sin mwet sacohk lasr inge nuhke Lutlut luhn Sucu lasr uh ac siyuck sel elan sruhmuhn nuh sesr kuhtuh experience wo lal.

Kom fin kuhlwacnsuhpuh Jeova ke lusen yac pucspucs, sruhmuhn nuh sin mwet Christian fuhsr ke inkacnek ma Jeova el kahsre kom. Jacob ac Joseph elos sruhmuhn nuh sin mwet fuhsr in sucu lalos ke ma Jeova el oruh nuh selos. (Gen. 48:21, 22; 50:24, 25) Tok, Jeova el sapkihn sifen sucu nuhkewa in luti tuhlihk nahtuhlos ke orekma wolacna lal. (Dut. 4:9, 10; Psa. 78:4-7) Ke pacl lasr inge, pahpah ac ninac, ac mwet sahyac ke congregation uh kuh in sruhmuhn nuh sin mwet fuhsr orekma wowo ma elos liye ma Jeova el ahkpwacyeye ke inkacnek luhn u lal.

LIYE VIDEO SE INGE MAINTAINING UNITY UNDER BAN, AC TOHKOHYANG TOHPOHKLAH KIHSEN SIYUCK EKAHSR TEN INGE:

• Austria branch kahsruh fuhkah mwet lili ke kuhtuh acn suc elos tiac sukohsohk in oruh orekma in luti ac alu?

• Mwet lili ke muhtuhnfacl se inge elos sruokyac fuhkah luhlahlfongi lalos in fokoko?

• Efuh kuh mwet lili fin acn Romania som liki u luhn Jeova, ac fuhkah elos fohlohkoh?

• Fuhkah experience nuhkewa inge ahkkweye luhlahlfongi lom an?