EFUH YOHK SRIHPAC: Puhs sin mwet kun elos tiac puhla wo ke elos sramsram nuh sin mwet sahyac. Ke ma inge, enenuh na pwacye etwacack lah fuhkah in sang ma loh nuh sin kain in mwet inge. Jeova el ahkkahlwemye kuhlwacng ac pahkomuhta nuh sin mwet kun. (Lev. 19:14) Kuht kuh in etahi mwe srihkasrak lal ke kuht inse muhlahlah in kahsruh mwet kun in lotwelah kacl Jeova.

OREK FUHKAH:

• “Suk” mwet suc kun. (Mt. 10:11) Yac oasr mwet kom etuh suc oasr mwet in sucu lal ma kun? Yac oasr lohm lutlut kuh nursing homes ke territory lom ma luhngse in eis mwe rit ma oreklac nuh sin mwet kun?

• Ahkkahlwemye lah kom luhngse ac nuhnkuh kaclos. Kom fin kuhlwacng, ac kom ahkkahlwemye lah kom nuhnkuh kaclos, ma inge sang kahsruh nuh sin sie mwet kun in tiac mwekihn ac tiac tuhfal ke kom sramsram nuh sel. Srihke in muhtwacwacack sie mwe sramsram ke sie sifac ma mwet uh luhngse.

• Kahsruh mwet kun in eis mwe rit ma ac kahsrelos in etuh Jeova. In kahsruh mwet kun kuh mwet suc ohkohk muhta, u lasr uh oraclah kain in mwe rit. Siyuck sin mwet kun sac lah ke inkacnek fuhkah el luhngse in lutlut. Service overseer el ac fah siyuck ac liye lah literature servant el oraclah request ke mwe rit ma fal nuh sin mwet kun.