Ma upac uh ac kuh in ahkmuhnahsye kuht, yohkna fin ma inge oan na ke lusen pacl loeloes. David el etuh lah ma upac ma sikyak nuh sel ma ke srihpacl Tohkohsrah Saul ac fah wacngihnlac, ac el ac fah eklac tohkohsrah in oacna ke ma Jeova el wuhlelah. (1Sam. 16:13) Luhlahlfongi lal David kahsrel in mongfihsracsr ac tuhpan lah Jeova el fah ahksuwohsye ma upac lal uh.

Fin oasr ma upac, kuht kuh in orekmakihn lahlmwetmwet, etwacack, kuh kuhiyen nuhnak lasr in ekuhllah ma sikyak nuh sesr uh. (1Sam. 21:12-14; Soa. 1:4) Tuhsruhktuh, kuhtuh ma upac uh ac oan na finne tukun kuht oruh ke kuhiyacsr kewa in ahkwacngihnyelah ma inge fal nuhke oakwuck wo luhn Bible. Ke kain in ohiyac inge, kuht enenuh in ahkkahlwemye mongfihsracsr ac tuhpan Jeova. Ke pacl na sa, el ac fah ahksahfyelah mwe kweok nuhkewa lasr ac “el ac fah eela” sronin muhtahsr nuhkewa. (Fwack. 21:4) Finne mwe ahkwoye inge tuhkuh sin Jeova kuh ke srihpac sahyac, pwacye lah oasr sahflahiyen ma upac nuhkewa. Ma pwacye inge acse nuh sesr mwe ahkwoye.

LIYE MWE LUHMAHLAH KE VIDEO SE INGE A UNITED PEOPLE IN A DIVIDED WORLD, AC TOHKOHYANG TOHPOHKLAH KIHSEN SIYUCK EKAHSR INGE:

• Ma upac fuhkah kuhtuh sin mwet lili suc muhta lacyen eir fin acn United States elos sun?

• Elos ahkkahlwemye fuhkah mongfihsracsr ac luhngse?

• Elos tahfwelah fuhkah in lohacng nuhke “ma suc arlacna wo” kuh ma yohk srihpac liki?​—Php. 1:10