Sie kawuck kalmackihn nuhke “sie mwet suc kuhpahsr nuh sin sie pac ke srihpen el luhngse kuh ahksacohkyacl.” Ke sie mwe puhpuhlyuck, Jonathan ac David muhtwacwacack in kawuck na fototo tukun David el unilyac Goliath. (1Sam. 18:1) Kais sie mukul inge ahkkahlwemye ohiyac na wo ma oruh elos in luhngse sie sin sie. Ke ma inge, kawuck na fototo uh fal nuhke etwacack suwohs. Pacl ac kwacfeacng enenuh na pwacye in etuh sie mwet. Tuhsruhktuh ke social networks, mwet uh sa na in eklac “friends” kuh mwet kawuck ke eltahl toanyac na gadget laltahl. Mwet suc oasr ke online eltahl kuh in plan lah meac eltahl ac fah fahk, ac oruh mwet sahyac in oasr nuhnak wo kacltahl, pwacnacng fihsracsr nuh seltahl in okanlah lah suc eltahl na pwacye uh. Ke srihpac inge, wo in nuhnkuh ahkwoyac lah kain in mwet fuhkah kom ac fah accept oacna friend kuh kawuck lom. Nikmet sahngweng in reject friend request sin mwet suc kom tiac etuh na pwacye, ac nikmet nuhnkuh muh kom ac ahktoasryacl. Ke srihpen mwe sensen ma kuh in sikyak, kuhtuh eltahl sulaclah in tiac orekmakihn social network. Tuhsruhktuh, kom fin sulaclah in orekmakihn sie social network, meac kom enenuh in esam?

LIYE MWE LUHMAHLAH KE VIDEO SE INGE BE SOCIAL-NETWORK SMART, AC TOHKOHYANG TOHPOHKLAH KIHSEN SIYUCK EKAHSR INGE:

• Meac kom enenuh in nuhnkuh meet liki kom post comment ac petsac uh?

• Efuh kom enenuh in arlac taran ke kom sulaclah kawuck lom ke online?

• Efuh kom enenuh in oakiyac luhpan pacl kom ac orekmakihn ke social network?​—Eph. 5:15, 16