Mwet suc nwacsnwacs ke ohiyen moul lalos muhkwena pa kuh in engankihn sie fototo wo nuh sin Jeova. (1Pet. 1:14-16) Ke mwet lutlut Bible sislah ohiyac kuluk lalos, elos kuh in engankihn pac moul wo ke sucu lalos, mahno fokoko, ac fahsr liki moul kwacoh.

Ahkuhtweyac in kahlwem oakwuck luhn Jeova ke ohiyen moul nwacsnwacs, ac efuh kuh wo in oruh ma el fahk uh. Lohacng in kahsruh mwet lutlut lom in ekuhllah inkacnek in nuhnak lalos, ac ma inge kahsrelos in oruh ma Jeova el luhngse. (Eph. 4:22-24) Ahkkweyelos lah ke kahsruh luhn Jeova, elos kuh in tui in oruh ohiyac kuluk ma elos pahlah in oruh ke lusen pacl loeloes. (Php. 4:13) Lotwelos in puhruhe siyuck kahsruh sin Jeova ke pacl ma elos ke oruh ma kuluk. Kahsrelos in akihlen ac fahsr liki ohiyac ma ac upac nuh selos in oruh ma suwohs. Ahkkweyelos in oruh ma ac wo nuh selos ac tiac oruh orekma kuluk. Kom ac fah engan ke kom liye mwet lutlut Bible lom kuhtanglah in ekuhllah ohiyen moul lalos ke kahsruh luhn Jeova.

LIYE MWE LUHMAHLAH KE VIDEO SE INGE HELP YOUR BIBLE STUDENTS TO OVERCOME UNCLEAN HABITS, AC TOHKOHYANG TOHPOHKLAH KIHSEN SIYUCK EKAHSR INGE:

• Mwet elder ac Neeta ahkkahlwemye fuhkah luhlahlfongi nuh sel Jade?

• Neeta el tahfwelah fuhkah in kahsrel Jade?

• Jade el suk kahsruh sin Jeova fuhkah?