Natural disaster uh kwacna sikyak ke pacl inge. Ke pacl se sie ongaiyac sikyak, orekma in sang kahsruh enenuh in tahklac ac oakiyucki wo. Ke srihpac inge, Governing Body uh oraclah oakwuck in oakiyac sie Disaster Relief Department ke kais sie branch ofuhs.

Ke pacl se ma mukul lili ke department se inge etwacack sie ongaiyac, elos ac sa na in sramsram nuh sin mwet elder ke congregation in konwacack lah kahsruh fuhkah mwet lili uh enenuh. Fin upac ma muhsahllah ac mwet lili ke acn sacn tiac kuh in ahkwoyelah ma muhsahllah ingacn, branch ofuhs uh ac fah srihsrngiyac mukul lili suc kuh in kol relief work se inge. Mukul lili inge sahp elos ac siyuck ke kahsruh luhn volunteers kuh donations ke ma enenweyuck an, kuh elos ac moli ma ke acn selos an ac kihtaclah ma enenweyuck uh.

Oasr ma wowo pucspucs fin ac orek ke inkacnek ohinge. Kuh in kahsruh in tiac sifwil oruh orekma se ma ahksahfyeyucklac tari, ac wacngihn mwe ahkfohs, ac kuh in karihngihn wo mani ac kuhfa, ma ac kuh in sikyak fin mwet lili uh orekma in fal nuhke ma luhngse lalos sifacna.

Mukul lili suc srihsrngiyucki sin branch kuh in motkoaclah luhpan mani ac pihsen mwet lili enenweyuck in oruh relief work se inge. Elos kuh in aetuhilac pac nuh sin local officials, suc kuh in kahsruh in ahkpihsrpihsrye relief work lasr uh. Ke ma inge, kuht ac tiac siyuck ke mani sin mwet lili, kuh suhpwaclah relief supplies, kuh som nuhke acn ma ongaiyac sikyak fin tiac siyuckyuck kuht in oruh.

Ne ohinge, ke pacl se ma sie ongaiyac sikyak, kuht luhngse in sang kahsruh. (Heb. 13:16) Kuht luhngse mwet lili wiyacsr! Meac kuht kuh in oruh? Ma yohk srihpac emeet, kuht kuh in puhruhe ke mwet suc sun ongaiyac ac kaclos suc oruh orekma in sang kahsruh. Kuht kuh pac in sang mwe kahsruh lasr nuhke worldwide work. Ye kolyuck luhn Governing Body, branch ofuhs etuh na pwacye lah piyac luhpan mani ma kuh in orekmakihnyuck in kahsruh mwet lili. Kuht fin luhngse in wi ke orekma se inge, kuht kuh in ahkkahlwemye lah kuht mwesahs ke kuht nwacklah form se inge Local Design/Construction Volunteer Application (DC-50).

LIYE VIDEO SE INGE DEVASTATING FLOODING IN BRAZIL, AC TOHKOHYANG TOHPOHKLAH KIHSEN SIYUCK SE INGE:

Meac ahkkweye kom ke orekma in sang kahsruh luhn Mwet Loh luhn Jeova tukun sronot upac se ma sikyak in acn Brazil in yac 2020?