April 29–May 5
PSALM 34-35
On 10 ac Puhruhe | Kahs in Ikacslah ac Paing Mwet (Minit 1)
1. “Kaksakihn Jeova Pacl E Nuhkewa”
(Minit 10)
David el kaksakihn Jeova finne ke pacl el sun ma upac (Psa. 34:1; w07 6/1 sra 14 par. 11)
David el kohnkihn ma nuhkewa Jeova el oraclah, ac tiac el sifacna (Psa. 34:2-4; w07 6/1 sra 14 par. 13)
Kahs in kaksak lal David ahkkweye mwet suc weluhl (Psa. 34:5; w07 6/1 sra 15 par. 15)
Tukun moliyucklac David luhkwel Abimelech, mukul 400 suc suhpwacr ye kolyuck lal Saul, elos weluhl David nuh yen mwesis. (1Sam. 22:1, 2) Sahp David el nuhnkuh mwet inge ke pacl se el suhmuhslah psalm se inge.—Psa. 34, superscription.
SIYUCK SUM SIFACNA, ‘Nga kuh in kaksakihn Jeova fuhkah ke nga sramsram nuh sin sie mwet ke miting luhn congregation se tohkoh uh?’
2. Mwe Lutlut Sacohk ke Kahs luhn God
(Minit 10)
-
Psa. 35:11—Meac sikyak in pacl lal Jesus oacna ma palyeyuck ke fuhs se inge? (w11 8/15 sra 14 par. 9)
-
Mwe lutlut sacohk fuhkah ke rit Bible ke wik se inge kom luhngse in ahkkahlwemye?
3. Rit Bible
(Minit 4) Psa. 34:1-22 (th mwe lutlut 5)
4. Muhtwacwacack Sie Mwe Sramsram
(Minit 2) INFORMAL WITNESSING. Sramsram lom in sahflah, meet liki kom kuh in sang ma loh. (lmd mwe lutlut 1 point 4)
5. Sifwil Fohlohk
(Minit 4) INFORMAL WITNESSING. (lmd mwe lutlut 2 point 4)
6. Ahkuhtweyac Luhlahlfongi Lom
(Minit 5) Mwe Luhmahlah. Ijwfq-E sra 59—Sifac: Mwet Loh luhn Jeova uh Etuh Fuhkah Lah Sie Mwe Ahkfuhlwact el Mwe Ahkinsewowoye God? (th mwe lutlut 17)
On 59
7. Inkacnek Tolu in Kaksakihn Jeova ke Pacl in Miting uh
(Minit 15) Mwe sramsram wi kihsen siyuck ac top.
Miting luhn congregation uh acse nuh sesr pacl wo in kaksakihn Jeova. Pa inge inkacnek tolu.
Sramsram: Sramsramkihn woiyen Jeova ke pacl kom sramsram nuh sin mwet sahyac uh. (Psa. 145:1, 7) Yac kom lohng kuh riti sie mwe lutlut suc kom eis ma wo kac? Yac oasr sie experience wo lom ke orekma in fahkwack ac luti? Yac kom eis mwe ahkkweye sin mwet ke kahs kuh orekma lalos? Yac oasr ma kom liye ke ma oreklac uh ma sun na pwacye nuhnak ac insiom? Ma inge nuhkewa mwe sang sin Jeova me. (Jas. 1:17) Kom sa in tuhkuh in muh oasr pacl lom in sramsram nuh sin mwet sahyac uh.
Top: Srihke in sang top finne pacl se na ke kais sie miting. (Psa. 26:12) Kom kuh in tohpohklah suwohs kihsen siyuck sacn kuh comment nuhke kuhtuhpac mwe lutlut kac, sie ma suhmuhslah, petsac, kuh fuhkah in orekmakihn mwe lutlut kac. Ke srihpen mwet sahyac uh sahp kohlwack pac paholos ke pacl sepacna ingacn, pasis kuht in ahkolah top pucspucs. Fin top lasr uh sackuhn 30 kuh fototo liki ac fah puhs mwet lili suc kuh in “kaksakihn God.”—Heb. 13:15.
On: Insewowo in onkihn on in kaksak nuh sin Jeova. (Psa. 147:1) Sahp koflah in pahngonyuck kom in sang comment ke kais sie miting, yohkna ke sie congregation luhlahp, tuhsruhktuh kom kuh in wi yuck on pacl nuhkewa. Finne kom puhla muh puhsrem tiac wo ke on uh, tuhsruhktuh kom fin oruh ke kuhiyom kewa, kom kuh in luhlahlfongi lah ma ingacn ac fah ahkenganye Jeova! (2Cor. 8:12) Kom kuh in ahkolah ke kom oruh ahkpah lom in onkihn on ke lohm sum an.
Sritaclkihn VIDEO se inge Our History in Motion—The Gift of Song, Part 1. Tohkohyang siyuck sin mwet in walihl uh:
Ke muhtwacwaciyen u lasr ke pacl inge, kuht ahkkahlwemye fuhkah lah on in kaksakihn Jeova arlacna yohk srihpac?
