Luhngse uh pa sie mwe fulful ma oracni sucu uh nuh sie. Fin wacngihn luhngse ac fah upac nuh sin mwet ke sucu se in sruokyacna inse sefanna ac akacsruhi nuh sin sie sin sie lalos. Mukul tuhma, muhtwacn kiyac, pahpah ac ninac ac kuh in ahkkahlwemye fuhkah luhngse ke sucu?

Sie mukul tuhma suc wo ac kuhlwacng el ac fah nuhnkuh yohk ke mwe enenuh, nuhnak, ac puhlakihn luhn muhtwacn kiyacl uh. (Eph. 5:28, 29) El ac fah sang mwe enenuh luhn sucu lal ac el ac fah kahsrelos in fototo nuh sin Jeova, wekuhnacng in oruh Lutlut luhn Sucu ke Bible pacl nuhkewa. (1Tim. 5:8) Sie muhtwacn kiac suc wo ac kuhlwacng el ac fah ahkpuhsisaclyacl nuh sin mukul tuhmwacl ac el ‘ahkfuhlwactyacl’ kuh ahkkahlwemye suhnak yohk nuh sel. (Eph. 5:22, 33; 1Pet. 3:1-6) Kewana enenuh in inse muhlahlah in nuhnak muhnahs nuh sin sie sin sie. (Eph. 4:32) Pahpah ac ninac suc wo ac kuhlwacng elos ahkkahlwemye luhngse ac nuhnkuh ke kais sie tuhlihk nahtuhlos ac lotwelos in luhngse Jeova. (Dut. 6:6, 7; Eph. 6:4) Ma upac fuhkah tuhlihk nahtuhlos uh sun ke lohm lutlut ac? Elos kuhtanglah fuhkah mwe srihfe sin mwet ke matwaclos? Ke pacl se luhngse uh yohkwelihk in sucu, elos nuhkewa ac fah puhla mislac.

LIYE VIDEO SE INGE DISPLAY UNFAILING LOVE IN YOUR FAMILY, AC TOHKOHYANG TOHPOHKLAH KIHSEN SIYUCK EKAHSR TEN INGE:

• Sie mukul tuhma suc wo el kihte ac ahksacohkye fuhkah muhtwacn kiyacl uh?

• Sie muhtwacn kiac suc wo el ahkkahlwemye fuhkah suhnak yohk nuh sin mukul tuhmwacl uh?

• Pahpah ac ninac elos fihliyac fuhkah ke nuhnak luhn tuhlihk nahtuhlos Kahs luhn God uh?