Mwe kai kalmackihn nuhke kahs in kolyuck ac mwe luti, oacyacpac nuhke mwe ahksuwohs ac kai upac. Jeova el kai kuht tuh kuht kuh in alu nuh sel ke sie inkacnek ma el insewowo kac. (Rom. 12:1; Heb. 12:10, 11) Oasr pacl, sahp upac in eis mwe kai, tuhsruhktuh kuht fin orekmakihn ma inge, kuht kuh in eis mwe insewowo lal ac kuh in suwohswohs ye muhtahl. (Soa. 10:7) Meac mwet suc sang mwe kai ac mwet suc eis ma inge elos enenuh in esam?

Mwet suc sang. Mwet elder, pahpah ac ninac, ac mwet sahyac uh elos enenuh in kwacfeacng in sang mwe kai ma fal, ac orek ke inkacnek in luhngse ac kuhlwacng oacna ma Jeova el oruh. (Jer. 46:28) Mwe kai upac fin enenweyuck, ac fah orek in fal nuhke mwe enenuh ac ke inkacnek luhn luhngse.​—Tit. 1:13.

Mwet suc eis. Kuhtwena mwe kai kuht eis, kuht enenuh in tiac pihlesruh a kuht in sa na in orekmakihn. (Soa. 3:11, 12) Ke srihpen kuht sesuwohs, kuht nuhkewa enenuh mwe kai, ma tuhkuh ke kain in ohiyac pucspucs. Kuht kuh in eis mwe kai ke ma kuht rit in Bible, kuh ke ma kuht lohng ke miting luhn congregation. Ac oasr pacl kuhtuh mwet lili enenuh mwe kai sin sie judicial committee. Kuht fin eis mwe kai ac orekmakihn ma inge, kuht kuh in engankihn moul wo ac moul ma pahtpaht.​—Soa. 10:17.

LIYE VIDEO SE INGE “THOSE WHOM JEHOVAH LOVES HE DISCIPLINES,” AC TOHKOHYANG TOHPOHKLAH KIHSEN SIYUCK EKAHSR TEN INGE:

• Fuhkah moul lal Canon ke el srihk ac, ac ma inge eklac fuhkah?

• Mwe kai wo fuhkah el eis sin Jeova?

• Mwe lutlut fuhkah ke ma sikyak nuh sel inge luti nuh sesr?