Ke kuht muhtweng ke sahflahiyen “lwen sahflah” inge, kuht etuh lah ac fah yohkyohkwelihk ma upac uh. (2Tim. 3:1; nwtsty-E study note ke Mt. 24:8) Ke pacl se ma ac fah oasr sie ongaiyac sikyak, mwet luhn Jeova elos kwacna eis kahs in kolyuck ma kuh in molwelah moul lalos. Ke ma inge, kuht kuh in moliyucklac kuht fin ahkos in ahkolah ingena, kewana ke orekma lasr in fototo nuh sin Jeova ac ke mwe enenuh lasr ke mahnosr.​—Lk. 16:10.

• Ahkolah in ahkkweye fototo lasr nuh sin Jeova. Oraclah sie oakwuck wo in rit Bible ac sifacna lutlut. Lutlut ke kain in inkacnek in fahkwack pweng wo. Nikmet fosrngah kom fin tiac kuh in wi congregation ke pacl se inge. (Isa. 30:15) Wacngihn pacl kom ac srenglah liki Jeova ac Jesus.​—od-E sra 176 par. 15-17

• Ahkolah ma ma kom enenuh uh: In wekuhnacng nuhke bag ma kom ac fah us ke pacl se ma oasr ongaiyac sikyak, kais sie sucu enenuh in oasr mongo, kof in nihm, ono, ac kuhtuh pac ma ma enenweyuck ke pacl ma enenuh in muhta in lohm uh ke lusen pacl loes.​—Soa. 22:3; g17.5-E sra 4, 6

LIYE VIDEO SE INGE ARE YOU PREPARED FOR A NATURAL DISASTER? AC TOHKOHYANG TOHPOHKLAH KIHSEN SIYUCK EKASR TEN INGE:

• Fototo wo lasr nuh sin Jeova ac kahsre kuht fuhkah in ahkolah ke pacl se oasr ongaiyac sikyak?

• Efuh kuht enenuh in . . .

  • oasr sramsram wo nuh sin mwet elder uh?

  • ahkolah sie emergency kit?

  • sramsramkihn kain in ongaiyac ma kuh in sikyak ac meac kuh in orek ke kais sie ongaiyac inge?

• Meac inkacnek tolu ma kuht kuh in kahsruh mwet sahyac ke pacl se ma elos sun ongaiyac?

SIYUCK SUM SIFACNA, ‘Mwe lutlut fuhkah ke kwacfeacng lasr in ahkolah nga kuh in lotwelah ke COVID-19 pandemic?’