Ke sahflahiyen oakwuck se inge apkuhranyang, kuht etuh lah ac fah wacngihn mislac inmahsrlon mwet uh, terrorism, ac mweun ac fah upaclah liki na meet ah. (Fwack. 6:4) Kom ac ahkolah fuhkah nuhke ma upac inge ke pacl fahsruh uh?

• Kom in ahkpwacyeye lah kom ahkolah in sruokyac oaru lom: Akihlen ac esam oakwuck wo in Bible ac ma suhmuhslah ma ahkkweye luhlahlfongi lom nuh sin Jeova ac ke u lal, ac ma kahsre kom in tiac wi ke kuhtwena u luhn mwet. (Soa. 12:5; jr-E sra 125-126 par. 23-24) Pa inge pacl in ahkkweye kawuck lom nuh sin mwet lili ke congregation.—1Pet. 4:7, 8

• Ahkpwacyeye lah oasr yurum ma kom enenuh in karihngihn monum ac moul lom: Oraclah oakwuck ke pacl kom enenuh in muhtana ke lohm sum ac in oasr mongo ac ma sahyac kom enenuh. Oraclah pac plan lah meac kom ac oruh kom fin enenuh in som liki lohm sum. Sifwilpac liye koanon bag se lom ma kom ac orekmakihn ke pacl oasr ongaiyac. Enenuh in oasr pac gloves, face mask ac mani luun bag se lom inge. Kom in etuh contact nacmpuh luhn mwet elder ac elos in etuh pac contact nacmpuh lom.—Isa. 32:2; g17.5-E sra 3-7

Ke lusen pacl ma wacngihn mislac, tahfwelah na in oruh ma kom oruh pacl nuhkewa in alu nuh sin Jeova, oacna puhruhe, lutlut, ac som nuhke miting. (Php. 1:10) Fin tiac enenuh in evacuate, wo kom in tiac som liki acn sum ac muhta ke acn sahyac. (Mt. 10:16) Inse muhlahlah in sang mongo ac kuhtuh pac ma nuh sin mwet lili sahyac.—Rom. 12:13.

LIYE VIDEO SE INGE ARE YOU PREPARED FOR A DISASTER? AC TOHKOHYANG TOHPOHKLAH KIHSEN SIYUCK EKAHSR INGE:

• Jeova el kuh in kahsre kuht fuhkah ke pacl in ongaiyac?

• Ma pucspucs fuhkah kuht kuh in oruh tuh kuht in ahkolah?

• Kuht kuh in kahsruh fuhkah mwet sahyac suc kweok ke srihpen ongaiyac ma sikyak?