Ke orekma in luti lal Jesus, el orekmakihn ma sikyak in pacl sacn in luti ke mwe lutlut yohk. (Lk. 13:1-5) Kom kuh pac in orekmakihn ma sikyak ke pacl inge in oruh mwet uh in ke lohng ke pweng wo ke Tohkohsrahi. Tukun kom sruhmuhn ke yohkwelihk luhn molin ma nuhkewa, sie ongaiyac, ke pacl ma wacngihn mislac inmahsrlon mwet uh, orekmakihnyen ono kuluk, kuh kuhtuh pac ma sikyak ohinge, siyuck sie kihsen siyuck. Kom kuh in siyuck: “Kom nuhnkuh muh kuht ac fah liye sahflahiyen . . . ?” kuh “Meac kom nuhnkuh muh ac kuh in ahkwacngihnyelah . . . ?” Tohkohyang, ahkkahlwemye sie fuhs in Bible ma kuhpahsr nuhke mwe sramsram sacn. Fin mwet sacn el pwacr in lohng, ahkkahlwemye sie video kuh sie mwe rit ma oasr ke Teaching Toolbox lasr uh. Ke kuht kwacfeacng in sun insiacn mwet ke territory lasr, lwelah kuht in “oru ma inge nukewa ke sripen pweng wo.”—1Cor. 9:22, 23.

Mwe sramsram fuhkah kuh in pihrihk nuhnak luhn mwet ke territory lom?