Meac se inge audio Bible? Audio Bible pa recording ke New World Translation ma ahksasucyeyucklac. Ma inge kais kuhtuh oreklac nuhke kahs pucspucs. Sie mwe kahsruh na yohk ke audio Bible inge pa ke orekmakihnyen puhsren mwet suc tiac oacna sie nuhke mwet suc sihmlac oasr in Bible. Kahs kac uh ritiyuck arlacna kahlwem ac oasr puhlakihn pwacye in ahkkahlwemye pweng luhn Bible ke inkacnek suwohs.

Kuhtuh mwet eis ma wo fuhkah ke audio Bible? Mwet pucspucs suc lohng audio Bible pacl nuhkewa elos luhngse lah fuhkah ma inge oruh Kahs luhn God in arlac pwacye nuh selos. Elos puhla muh ke elos lohng puhsra ma tiac oacna sie ke kais sie mwet in Bible, elos kuh in luhmahlah wo ke nuhnak lalos ma sikyak in Bible ac eis kahlwem yohk ke ma suhmuhslah uh. (Soa. 4:5) Puhs selos konwacack pac lah in lohng ke audio Bible ahkwoyaclos ke pacl elos fohsack in nuhnak.—Psa. 94:19.

Ke kuht lohng Kahs luhn God ritiyuck ke puhsra yohk, kuh in ahkkweye kuht na pwacye. (2Chr. 34:19-21) Fin audio Bible uh oasr tari ke kahs ma kom kahlwem kac, yac kom kuh in lohng kac pacl nuhkewa in oruh ma inge oacna ipin moul lom an?

LIYE VIDEO SE INGE PRODUCTION OF THE AUDIO BIBLE—EXCERPT, AC TOHKOHYANG TOHPOHKLAH KIHSEN SIYUCK SE INGE:

Meac ahkkweye kom ke oreklac luhn audio Bible?