5:5-7, 11

In acn Israel, wacngihn kuhtwena ma ma kuh in ikolyac finne nuh sin mwet suhkahsruhp uh in orek mislac yurin Jeova. Finne mwet Israel suc suhkahsruhp emeet elos kuh in sang mwe kihsac ma Jeova el insewowo kac, fin ma elos ac sang inge pa wo emeet lalos. Elos kuh in sang fuhlao tahkmwek, tuhsruhktuh Jeova el luhngse tuh ma inge in fuhlao “wowo,” kain in fuhlao ma orekmakihnyuck in oraclah mongo nwacn mwet suc tuhkuh muhtwacta nuh yohrohltahl. (Gen. 18:6) Ke pacl inge, Jeova el luhngse kuht pac in sang ma wo emeet lasr. Finne ma kuht sang nuh sel arlacna srihklac, tuhsruhktuh fin ma inge pa ‘mwe kihsac’ wo emeet lasr, Jeova el ac fah insewowo in eis.​—Heb. 13:15.

Ma inge kuh in ahkkweye kom fuhkah kom fin koflah in oruh ma nuhkewa oacna ke kom oruh in pacl meet ah, sahp ke srihpen kom puhlakihn mas kuh muhnahslah luhn mahno?