EFUH YOHK SRIHPAC: Orekma in sang ma loh ke inkacnek luhn telephone pa sie inkacnek yohk srihpac in “fahkelik pweng wo” nuh sin mwet nuhkewa. (Orekma 20:24) * Ke inkacnek se inge, kuht kuh in sang ma loh nuh sin sie mwet ke pacl ma kuht tiac kuh in muhtwacta nuh yohrohl ke lohm sel uh.

OREK FUHKAH:

• Ahkolah. Sulaclah sie sifac ma mwet pucspucs luhngse. Na suhmuhslah kuhtuh kahs yohk ma kom luhngse in fahk an. Oacyacpac kom kuh in ahkolah sie message fototo ma ahkuhtweyac ke srihpen pahng lom an kom fin eis top ke answering machine. Wo kom fin ac muhta ke sie tepuh ac ma kom suhmuhslah an oasr fac ac kuhtuh pac ma ma kom enenuh, oacna ipad kuh tablet nuhtum ma oasr ke JW Library^® kuh jw.org^®

• Relax. Kom in sramsram wo. Isracsr ac kol poum oacna ke kom liye mwet suc kom sramsram nuh se an. Kom in tiac tui fin tiac enenweyuck. Ac fah yohk kahsruh nuh sum fin oasr mwet lili sahyac suc wi kom. Fin mwet in lohm uh siyuck sie kihsen siyuck, kalweni ma inge ke puhsra yohk tuh mwet lili se suc wi kom an kuh in kahsre kom in konwacack top nuh kac an

• Oraclah oakwuck in sifwil fohlohk. Fin sie mwet el ahkkahlwemye pwacr ac luhngse in sramsram ke ma pwacye, kom kuh in likiyac sie kihsen siyuck in tohpohklah an ke pacl se tohkoh ma kom pahng ke telephone an. Kom kuh pac in fahk nuh sel lah kom ac sang sie mwe rit ke inkacnek luhn e-mail, kom sifacna us nuh yohrohl, kuh suhpwaclah mwe rit se inge ke mail. Kuh kom kuh in siyuck sel kom fin kuh in suhpwaclah sie video lasr kuh mwe lutlut ke text kuh e-mail. Fin fal, fahk nuh sin mwet se inge ke oakwuck ke Online Bible Study Lessons kuh sie pac ma ke website lasr uh