8:6-9, 12; 9:1-5, 23, 24

Jeova el suhpwacma e in esuhkwack mwe kihsac fihrihr luhn mwet tol ke sruf lal Aaron ma tuhfahna oakiyucki. Ma inge ahkkahlwemye ke kahsruh ac insewowo luhn Jeova ke oakwuck se inge. Ke ma inge, Jeova el ahkkweye mwet Israel suc tuhkweni nuh sie we inge in liye ma sikyak inge tuh elos in sang kahsruh ke kuhiyaclos kewa nuhke oakwuck ke mwet tol. Ke pacl inge, Jeova el orekmakuhnuhl Jesus Christ suc ahkmuhtahlyeyuck tari oacna Mwet Tol Fuhlwact emeet. (Heb. 9:11, 12) In yac 1919, Jesus el srihsrngiyac sie u srihsrihk ke mwet akmuhsralah oacna “mwet kuhlansap oaru ac lalmwetmet.” (Mt. 24:45) Meac mwe ahkpwacyeye lah Jeova el ahkinsewowoye ac kahsruh mwet kuhlwacnsap oaru inge?

• Finne oasr mwe kalyei upac, mwet kuhlwacnsap oaru inge tahfwelah na in acse nuh sesr etwacack ac mwe lutlut na wo ma ahkkweye luhlahlfongi lasr uh pacl nuhkewa

• In oacna ke ma palyeyuck tari, pweng wo uh sulkackihnyuckwelihk “fin faclu nufon.”​—Mt. 24:14

Kuht kuh in sang fuhkah kuhiyacsr kewa in kahsruh mwet kuhlwacnsap oaru ac lahlmwetmwet?