Puhruhe wo uh oacna mwe kweng ma wo folo ma isisyak ye muhtuhn Jeova pacl nuhkewa ke tempuhl. (Psa. 141:2) Ke kuht ahkkahlwemye nuh sin Pahpah tuhmwacsr inkuhsrao luhngse ac srui lasr nuh sel, fahkwack nuh sel mwe fosrngah ac kena lasr, ac siyuck ke kahs in kolyuck lal, kuht ahkkahlwemye lah kuht ahksacohkye fototo wowo lasr nuh sel. Pwacye, Jeova el nuhnkuh ke puhruhe fototo ma orek ke miting lasr oacna ip yohk srihpac ke alu lasr uh. Tuhsruhktuh, Jeova el arlacna engan ke pacl se kuht puhruhe nuh sel, ac ahkkahlwemye nuhnak ac puhlakihn lasr sifacna, ac sramsram nuh sel ke lusen pacl se in loes kuhtuh!—Soa. 15:8.

LIYE VIDEO SE INGE I AM DEVOTED TO PRAYER, AC TOHKOHYANG TOHPOHKLAH KIHSEN SIYUCK EKAHSR TEN INGE:

• Kain in kunohkohn fuhkah Brother Johnson el engankihn?

• Brother Johnson el fungyang nuh sin Jeova fuhkah in puhruhe?

• Mwe lutlut fuhkah kom kuh lotwelah ke experience lal Brother Johnson?