Jesus el fahkwack “pweng wo ke Tokosrai lun God.” (Lk. 4:43) El luti pac mwet uh in puhruhe ke Tohkohsrahi sacn. (Mt. 6:9, 10) Ke mahlwem luhn November, kuht ac fah kwacfeacng yohk in fahkwack Tohkohsrahi luhn God. (Mt. 24:14) Oraclah oakwuck ke schedule lom tuh kom kuh in wi oruh orekma na yohk srihpac se inge. Elos nuhkewa suc kuhlwacnsap oacna auxiliary pioneer kuh in sulaclah ao 30 kuh 50 ma elos enenuh in sun ke mahlwem se inge.

Kwacfeacng in ahkkahlwemye sie ma suhmuhslah ke Tohkohsrahi luhn God nuh sin mwet pucspucs ke acn in forfor lom an. Ke kom sulaclah sie ma suhmuhslah, nuhnkuh ke mwet suc lohng kom an lah meac luhlahlfongi lal an. Fin sie mwet el ahkkahlwemye lah el luhngse in lohng ke pacl se meet kom ohsun nuh sel an, sang nuh sel sie copy ke public edition luhn The Watchtower No. 2 2020. Kom in sifwil fohlohk nuh sel ke pacl na sa, ac srihke in muhtwacwacack sie lutlut Bible an nuh sel, orekmakihn sie mwe rit ma kuht kwacna orekmakihn ke orekma in luti lasr uh. Tiac paht, Tohkohsrahi luhn God uh ac fah kuhnahoslah government nuhkewa ma lain ma inge. (Dan. 2:44; 1Cor. 15:24, 25) Ke ma inge, lwelah kuht in orekmakihn pacl ac kuh lasr in sang kahsruh nuhke orekma na sacohk se inge in ahkkahlwemye oaru lasr nuh sin Jeova ac nuhke Tohkohsrahi lal uh!