Sie mwet sritacl el enenuh in tahfwelah in ahkpahye mahnol elan suhmaht in oruh sritacl se lal. Ke inkacnek oacpacna, kuht enenuh in kwacfeacng in ahkpahye ac karihngihn kuh lasr in akihlen inmahsrlon ma wo ac ma kuluk. (Heb. 5:14) Sahp, kuht luhngse na in etahi sulaclah luhn mwet sahyac, tuhsruhktuh kuht enenuh in sifacna orekmakihn kuhiyen nuhnak lasr ac oruh sulaclah lasr. Efuh? Mweyen kais sie sesr ac fah sifacna fahkuhlwack ye muhtuhn God ke sulaclah ma kuht oruh.—Rom. 14:12.

Kuht ac tiac motko muh kuht kuh in oruh sulaclah wo mweyen kuht bacptaislah tari ke lusen yac pucspucs. In oruh sulaclah wo, kuht enenuh in luhlahlfongi na pwacye nuh sin Jeova, ke Kahs lal, ac ke u lal uh.—Jos. 1:7, 8; Soa. 3:5, 6; Mt. 24:45.

LIYE MWE LUHMAHLAH KE VIDEO SE INGE “MAINTAIN A GOOD CONSCIENCE,” AC TOHKOHYANG TOHPOHKLAH KIHSEN SIYUCK EKAHSR INGE:

• Sulaclah fuhkah Emma el oraclah?

• Efuh kuht in tiac ahkkahlwemye nuhnak lasr sifacna nuhke ma ma sie mwet enenuh in oruh ke sulaclah lal fal nuhke nuhnak ac puhlakihn lal?

• Kahs in kahsruh wo fuhkah sie siacnyacn sang nuh sel Emma?

• Emma el konwacack oyac mwe lutlut wo ma sang kahsruh nuhke ma sikyak nuh sel?